ప్రముఖ మోడల్ రోడ్డుపై వెళుతుంటే లైంగిక వేధింపులు!

పశ్చిమ బెంగాల్ కు చెందిన ప్రముఖ మోడల్ ఉషోషి సేన్ గుప్తా, తన స్నేహితురాలితో కలిసి ఇంటికి వెళుతున్న వేళ, కొందరు బైకర్లు ఆమెను లైంగికంగా వేధించారు. ఈ ఘటన గత రాత్రి 11.40 గంటల సమయంలో కోల్ కతాలో జరిగింది. ఓ మీడియా ఎంటర్ టెయిన్ మెంట్ సంస్థలో పనిచేస్తున్న ఉషోషి, ఉబర్ కారులో ఇంటికి వెళుతుండగా, ప్రమాదవశాత్తూ కారు ఓ బైక్ కు తగిలి అద్దం పగిలింది.

అంతే.. క్షణాల వ్యవధిలో పది మంది బైకర్లు వారి కారును చుట్టుముట్టారు. డ్రైవర్ ను వదిలేసి, ఆమెను వేధించారు. ఈ విషయాన్ని ఆమె పోలీసులకు ఫిర్యాదు చేయగా, కేసు నమోదు చేసి దర్యాప్తు చేస్తున్నామని అధికారులు వెల్లడించారు. బైకర్లను గుర్తించి అదుపులోకి తీసుకున్నామన్నారు. ఈ కేసులో షేక్ రాహిత్, ఫర్దీన్ ఖాన్, షేక్ ఘని, షేక్ షబ్బీర్ అలీ, షేక్ వాసిం, షేక్ ఇమ్రాన్ అలీ, అతీఫ్ ఖాన్ లను నిందితులుగా గుర్తించి, వారిని అరెస్ట్ చేసి విచారిస్తున్నట్టు తెలిపారు.