సినిమా కబుర్లు.. సంక్షిప్త సమాచారం

*  ప్రముఖ దర్శకుడు మణిరత్నం దర్శకత్వంలో చోళ సామ్రాజ్యం నేపథ్యంలో రూపొందే పిరీడ్ ఫిలింకు ఐశ్వర్య రాయ్ వంటి పలువురు ప్రముఖ తారలు ఇప్పటికే ఎంపికైన సంగతి తెలిసిందే. ఈ క్రమంలో అందాలభామ అనుష్క శెట్టి కూడా ఇందులో నటించనున్నట్టు తాజాగా కోలీవుడ్ మీడియాలో వార్తలొస్తున్నాయి.
*  ఇటీవల అజిత్ తో 'విశ్వాసం' చిత్రాన్ని రూపొందించి ఘన విజయం సాధించిన దర్శకుడు శివకు సూపర్ స్టార్ రజనీకాంత్ నుంచి పిలుపు వచ్చింది. వీరిద్దరి కలయికలో ఓ భారీ చిత్రానికి ప్లాన్ జరుగుతున్నట్టు సమాచారం.
*  రవితేజ హీరోగా వీఐ ఆనంద్ దర్శకత్వంలో తెరకెక్కుతున్న 'డిస్కో రాజా' చిత్రం తాజా షెడ్యూల్ షూటింగ్ హైదరాబాదులో జరుగుతోంది. ప్రస్తుతం గచ్చిబౌలి అల్యూమినియం ఫ్యాక్టరీలో హీరో, విలన్ గ్రూప్ మధ్య యాక్షన్ దృశ్యాలను చిత్రీకరిస్తున్నారు.