ఘన విజయం సాధించబోతున్నా... మే 23న మీకే తెలుస్తుంది: ప్రత్తిపాటి పుల్లారావు
- టీడీపీ అఖండ విజయం సాధించబోతోంది
- కుల రాజకీయాలు చేయాలనుకున్నవారిని ప్రజలు తిరస్కరించారు
- చంద్రబాబు గెలుపు కోసం పార్టీ శ్రేణులు కసితో పని చేశాయి
చిలకలూరిపేట నియోజకవర్గంలో తాను ఘన విజయం సాధించబోతున్నానని... మే 23న ఆ విషయం మీకే తెలుస్తుందని మంత్రి ప్రత్తిపాటి పుల్లారావు ధీమా వ్యక్తం చేశారు. ఈ ఎన్నికల్లో టీడీపీ అఖండ విజయం సాధించబోతోందని చెప్పారు. టీడీపీకి ముస్లిం మైనార్టీలతో పాటు అన్ని వర్గాల ప్రజలు అండగా నిలబడ్డారని తెలిపారు. కుల రాజకీయాలతో రాష్ట్రంలోని శాంతియుత వాతావరణాన్ని చెడగొట్టాలనుకున్నవారిని ఈ ఎన్నికల్లో ప్రజలు తిరస్కరించారని చెప్పారు. సోషల్ మీడియాలో హల్ చల్ చేస్తే వచ్చేదేమీ లేదని... ప్రజలతో మమేకం కావాలని అన్నారు. చంద్రబాబు గెలుపు కోసం పార్టీ కార్యకర్తలు, అభిమానులు కసిగా పని చేశారని చెప్పారు.
