రామాయణం స్టాంపుల సేకరణలో లిమ్కా బుక్ ఆఫ్ రికార్డ్స్ లో ఎక్కిన తెలుగోడు
- పోస్టల్ ఉద్యోగి అరుదైన ఘనత
- ఆసక్తితో అందలం
- 400 స్టాంపుల సేకరణ
తెలంగాణకు చెందిన వి. ఉపేందర్ ఓ పోస్టల్ ఉద్యోగి. ఆయనకు స్టాంపుల సేకరణ ఓ హాబీ. అయితే ఏ స్టాంపు పడితే ఆ స్టాంపు సేకరించకుండా తనదైన శైలిలో కేవలం రామాయణం ఇతిహాసానికి సంబంధించిన పోస్టల్ స్టాంపులనే సేకరించేవారు. ఆ విధంగా 400 వరకు రామాయణ ముఖచిత్రాలతో ఉన్న స్టాంపులు సేకరించి లిమ్కా బుక్ ఆఫ్ రికార్డ్స్ లో స్థానం సంపాదించారు. ప్రస్తుతం ఉపేందర్ తమిళనాడులోని మధురైలో పోస్ట్ మాస్టర్ జనరల్ గా పనిచేస్తున్నారు. లిమ్కా బుక్ ఆఫ్ రికార్డ్స్-2019లో ఉపేందర్ సేకరించిన స్టాంపులను కూడా ప్రచురించనున్నారు. ఉపేందర్ సేకరించిన స్టాంపుల్లో రాముడు, సీత, హనుమంతుడు, రావణుడి చిత్రాలతో ఉన్న స్టాంపులు ఉన్నాయి. ఉపేందర్ తన స్టాంపుల కలెక్షన్ ను అనేక కార్యక్రమాల్లో కూడా ప్రదర్శించారు.
