అలా 'జబర్దస్త్'కి పరిచయమయ్యాను: హరి

'జబర్దస్త్' కార్యక్రమంలో లేడీ గెటప్ తో అలరించేవాళ్లలో 'హరి' ఒకరుగా కనిపిస్తాడు. లేడీ గెటప్ లోనే ఎక్కువగా కనిపిస్తాడు కనుక, ఆయనని 'హరిత' అనే పేరుతో పిలుస్తుంటారు. తాజా ఇంటర్వ్యూలో ఆయన మాట్లాడుతూ .. "నేను 'జబర్దస్త్'లోకి రావడానికి ముందు డాన్స్ మాస్టర్ గా పనిచేసేవాడిని. ఒక వైపున చదువుకుంటూనే మరో వైపున స్కూల్స్ లో డాన్స్ క్లాస్ లు చెబుతుండేవాడిని. డాన్స్ కి సంబంధించి ఎక్కడ ఏ కాంపిటీషన్స్ జరిగినా వెళ్లేవాడిని.

అలా వెళ్లినప్పుడు ఒక కార్యక్రమానికి 'బుల్లెట్ భాస్కర్' గెస్టుగా వచ్చాడు. ఆ రోజు లేడీ గెటప్ లో స్టేజ్ పైకి వచ్చిన నన్ను చూసి .. 'జబర్దస్త్' కి రమ్మని చెప్పాడు. అలా నేను కృష్ణా జిల్లా నుంచి హైదరాబాద్ రావడం జరిగింది. 'జబర్దస్త్'లో అప్పటికే లేడీ గెటప్స్ వేస్తోన్న సాయి నాకు ఎంతో సహకరించాడు. ఈ కామెడీ షో ద్వారా నాకు ఎంతో క్రేజ్ వచ్చింది. నాగబాబు గారు .. రోజాగారు మొదటిసారిగా నా టాలెంట్ ను మెచ్చుకున్న రోజు .. నా జీవితంలో ఎప్పటికీ గుర్తుండిపోతుంది" అని చెప్పుకొచ్చాడు.