వీడిన విజయవాడ బాక్స్ మిస్టరీ!

విజయవాడలో కలకలం రేపిన బాక్స్ మిస్టరీ వీడింది. ముందుగా విజయవాడలో ఈ బాక్సును తెరవాలని భావించిన టాస్క్‌ఫోర్స్ సిబ్బంది, బాంబ్ స్క్వాడ్.. దానిని తెరవడం కారణంగా ఏదైనా పేలుడు సంభవిస్తే తీవ్ర నష్టం వాటిల్లుతుందని ఆలోచించి మంగళగిరికి తరలించారు. అక్కడ ఓ నిర్జన ప్రదేశానికి బాక్సును తీసుకెళ్లి దానిని తెరిచారు.

అయితే ముందుగా భయపడినట్టుగా బాక్సులో పేలుడు పదార్థాల్లాంటివేమీ లేకపోవడంతో అంతా ఊపిరి పీల్చుకున్నారు. ఆ బాక్సులో ఓ రాగి బిందె, బ్యాటరీ, వైర్లు ఉన్నట్టు కనుగొన్నారు. వెంటనే బాక్సులో లభించిన వస్తువులను విజయవాడ పోలీస్ కమిషనరేట్‌కు తరలించారు. అయితే బాక్సులో లభించిన వస్తువులను ఎందుకు కొన్నారు? వాటిని ఎక్కడికి తీసుకెళుతున్నారనే విషయాలపై ఇప్పటికే పోలీసులు విచారణ ప్రారంభించారు.