బోయపాటితో వివేక్ ఒబెరాయ్ చేయననే చెప్పాడట

బోయపాటి దర్శకత్వం వహించిన 'వినయ విధేయ రామ' ఈ రోజునే ప్రేక్షకుల ముందుకు వచ్చింది. చరణ్ కథానాయకుడిగా చేసిన ఈ సినిమాలో విలన్ గా వివేక్ ఒబెరాయ్ నటించారు. విలన్ పాత్రలతో బాలీవుడ్లో వివేక్ ఒబెరాయ్ బిజీగా వున్నారు. 'వినయ విధేయ రామ'లో విలన్ పాత్రను వివేక్ ఒబెరాయ్ చేస్తేనే బాగుంటుందని భావించిన బోయపాటి, ముందుగా ఆయనని సంప్రదించినప్పుడు తనకి కుదరదనే చెప్పారట.

ఆ తరువాత బోయపాటి ఈ సినిమాలో విలన్ పాత్ర ఎలా ఉంటుందనేది ఆయనకి పూర్తిగా చదివి వినిపించాడు. విలన్ పాత్ర ఎంత పవర్ఫుల్ గా ఉంటుందనేది ఆయనకి అర్థం కాగానే చేయడానికి అంగీకరించారట. ఈ సినిమాలో విలన్ రోల్ చేస్తే మీరు చేయవలసిందేనని బోయపాటి పట్టుబట్టడం కూడా వెంటనే ఆయన గ్రీన్ సిగ్నల్ ఇవ్వడానికి కారణమైందని అంటున్నారు. చరణ్ తో తలపడుతూ విలన్ గా ఆయన ఎన్ని మార్కులు కొట్టేస్తాడో చూడాలి మరి.