'మిస్టర్ మజ్ను'కు కలిసొచ్చినట్టే

అఖిల్ కి ఇంతవరకూ హిట్ పడలేదు. దాంతో 'మిస్టర్ మజ్ను' సినిమాతో అతని ఖాతాలో తప్పకుండా హిట్ చేరాలనే పట్టుదలతో నాగార్జున వున్నారు. అఖిల్ కెరియర్ కి ఈ సినిమా చాలా ముఖ్యం కనుక, సోలోగా ఈ సినిమాను రిలీజ్ చేయాలని భావించారు. అందువల్లనే సంక్రాంతికి కాకుండా జనవరి 25వ తేదీని ఫిక్స్ చేసుకున్నారు. కానీ అనుకోకుండా 'మహానాయకుడు' జనవరి 24వ తేదీకి వచ్చి చేరింది.

దాంతో అందరి దృష్టి ఆ సినిమా వైపు వెళ్లిపోతుందని ఈ సినిమా టీమ్ టెన్షన్ పడింది. అయితే కొన్ని కారణాల వలన 'మహానాయకుడు' ఫిబ్రవరి 7వ తేదీకి వాయిదా పడింది. దాంతో 'మిస్టర్ మజ్ను' టీమ్ తేలికగా ఊపిరి పీల్చుకుంటున్నట్టుగా తెలుస్తోంది. ఇక జనవరి 25వ తేదీనే 'మణికర్ణిక' వస్తున్నా, ఆ సినిమా ప్రభావం 'మిస్టర్ మజ్ను'పై అంతగా ఉండదని భావిస్తున్నారు. 'మహానాయకుడు' రిలీజ్ వాయిదా పడటం వలన థియేటర్ల పరంగా .. వసూళ్ల పరంగా 'మిస్టర్ మజ్ను'కి కలిసొచ్చినట్టేనని చెప్పుకుంటున్నారు.