సంక్రాంతికి రజనీ సినిమా రానట్టే!

రజనీకాంత్ కథానాయకుడిగా కార్తీక్ సుబ్బరాజు దర్శకత్వంలో 'పెట్టా' సినిమా నిర్మితమైంది. ఈ సినిమాలో రజనీ సరసన కథానాయికలుగా సిమ్రాన్ .. త్రిష నటించారు. సంక్రాంతి కానుకగా ఈ సినిమాను తమిళంలోను .. తెలుగులోను విడుదల చేయాలని నిర్ణయించుకున్నారు. కానీ తెలుగులో విడుదలను వాయిదా వేయాలనే నిర్ణయానికి వచ్చారనేది తాజా సమాచారం.

తెలుగులో బాలకృష్ణ 'కథానాయకుడు' .. చరణ్ 'వినయ విధేయ రామ' .. వెంకటేశ్ 'ఎఫ్ 2' సంక్రాంతి బరిలోకి దిగుతున్నాయి. ఈ మూడు సినిమాలు కూడా భారీ స్థాయిలోనే విడుదలవుతున్నాయి. అందువలన 'పెట్టా' సినిమాకి థియేటర్ల సమస్య ఏర్పడే అవకాశం వుంది. అంతేకాదు వసూళ్లపై కూడా ప్రభావం చూపే ఛాన్స్ వుంది.

అందువలన తెలుగులో కొంత గ్యాప్ తీసుకుని 'పెట్టా'ను విడుదల చేయాలని దర్శక నిర్మాతలు నిర్ణయించుకున్నారని సమాచారం. తెలుగులో గట్టిపోటీ కూడా ఉండటం వలన సంక్రాంతి బరి నుంచి 'పెట్టా' తప్పుకుందన్న మాట.