నిజానికి 'కవచం' కల్యాణ్ రామ్ చేయవలసిందట!

బెల్లంకొండ శ్రీనివాస్ తాజా చిత్రంగా 'కవచం' ప్రేక్షకుల ముందుకు వచ్చింది. శ్రీనివాస్ మామిళ్ల దర్శకత్వం వహించిన ఈ సినిమాలో కాజల్ .. మెహ్రీన్ కథానాయికలుగా నటించారు. తన మార్క్ మాస్ యాక్షన్ .. కాజల్ - మెహ్రీన్ గ్లామర్ ఈ సినిమాకి ప్రధాన ఆకర్షణగా నిలుస్తాయని బెల్లంకొండ శ్రీనివాస్ భావించాడు. ఈ సినిమా తనకి తప్పకుండా హిట్ తెచ్చిపెడుతుందని ఆశించాడు. అయితే ఈ సినిమా ఆశించిన స్థాయిలో ఆదరణ పొందకపోవడం ఆయనను నిరాశపరిచిందని అంటున్నారు.అసలు ఈ సినిమాలో హీరోగా నందమూరి కల్యాణ్ రామ్ చేయవలసిందట. శ్రీనివాస్ మామిళ్ల చెప్పిన కథ విన్న తరువాత కల్యాణ్ రామ్ పెద్దగా ఆసక్తిని చూపలేదని సమాచారం. ఈ కారణంగానే కథ బెల్లంకొండ దగ్గరికి వచ్చిందని తెలుస్తోంది. ఆల్రెడీ పోలీస్ ఆఫీసర్ గా చేసినందువలన కల్యాణ్ రామ్ అంగీకరించలేదనీ .. పోలీస్ ఆఫీసర్ గా ఇదే ఫస్టు మూవీ కనుక బెల్లంకొండ శ్రీనివాస్ అంగీకరించాడని ఫిల్మ్ నగర్లో చెప్పుకుంటున్నారు.