విజయకుమార్ కూతురు, నటి వనితను అరెస్ట్ చేసిన పోలీసులు!
- ఇంటిని ఆక్రమించుకుని ఖాళీ చేయని నటి
- పోలీసులకు ఫిర్యాదు చేసిన విజయకుమార్
- మధురవాయిల్ స్టేషన్ కు తరలింపు
బహుభాషా నటుడు విజయకుమార్, ఆయన కుమార్తె వనితకు మధ్య గతకొంత కాలంగా ఆస్తి వివాదాలు సాగుతున్న సంగతి తెలిసిందే. ఈ నేపథ్యంలో విజయకుమార్ ఫిర్యాదు మేరకు పోలీసులు వనితను నిన్న రాత్రి అరెస్ట్ చేశారు. విజయకుమార్కు చెన్నైలోని ఆలపాక్కం, అష్టలక్ష్మీ నగర్ 19వ వీధిలో పెద్ద బంగ్లా ఉంది. దీన్ని ఆయన సినిమా షూటింగ్ ల కోసం అద్దెకు ఇస్తూ ఉంటారు. ఈ నేపథ్యంలో ఓ సినిమా కోసం భవనాన్ని అద్దెకు తీసుకున్న వనిత అందులో దిగిపోయింది. ఎన్నిసార్లు చెప్పినా ఖాళీ చేసేందుకు నిరాకరించింది. మరో ప్రత్యామ్నాయం లేకపోవడంతో విజయకుమార్ గతంలో మధురవాయిల్ పోలీసులను ఆశ్రయించారు.
పోలీసులు ఆ నివాసం వద్దకు చేరుకోగానే ఆమె వారితో వాగ్వాదానికి దిగింది. అనంతరం ఘటనాస్థలం నుంచి పరారయింది. అప్పట్లో వనిత సుప్రీంకోర్టును ఆశ్రయించగా, ఆమెను అరెస్ట్ చేయరాదని న్యాయస్థానం మధ్యంతర ఉత్తర్వులు జారీచేసింది. ఈ నేపథ్యంలో ఆమె గురువారం మళ్లీ తిరిగివచ్చింది. దీంతో విజయకుమార్ మరోసారి పోలీసులను ఆశ్రయించి ఫిర్యాదు చేశారు. రంగంలోకి దిగిన అధికారులు తాజాగా ఆమెను అరెస్ట్ చేసి స్టేషన్ కు తరలించారు.
పోలీసులు ఆ నివాసం వద్దకు చేరుకోగానే ఆమె వారితో వాగ్వాదానికి దిగింది. అనంతరం ఘటనాస్థలం నుంచి పరారయింది. అప్పట్లో వనిత సుప్రీంకోర్టును ఆశ్రయించగా, ఆమెను అరెస్ట్ చేయరాదని న్యాయస్థానం మధ్యంతర ఉత్తర్వులు జారీచేసింది. ఈ నేపథ్యంలో ఆమె గురువారం మళ్లీ తిరిగివచ్చింది. దీంతో విజయకుమార్ మరోసారి పోలీసులను ఆశ్రయించి ఫిర్యాదు చేశారు. రంగంలోకి దిగిన అధికారులు తాజాగా ఆమెను అరెస్ట్ చేసి స్టేషన్ కు తరలించారు.
