నందమూరి సుహాసినికి మద్దతు తెలిపిన ఉస్మానియా యూనివర్సిటీ జేఏసీ నాయకులు!

కూకట్‌పల్లిలో టీడీపీ అభ్యర్థి నందమూరి సుహాసినికి ఉస్మానియా యూనివర్సిటీ జేఏసీ, టీఎస్ జేఏసీ, జేఎన్టీయూ జేఏసీ నాయకులు తమ పూర్తి మద్దతు తెలిపారు. ఈ సందర్భంగా విడుదల చేసిన కరపత్రాలను ఇంటింటికి పంచి ప్రజా కూటమి గెలుపు కోసం పోరాడుతామని జేఏసీ నాయకులు వాగ్దానం చేశారు. కాగా, నియోజకవర్గ సమస్యలు, మహిళల కష్టాల పరిష్కారంలో ముందుంటానని హామీ ఇస్తూ సుహాసిని తన ప్రచారంతో ముందుకు కొనసాగుతున్నారు.