'ఎక్కడికి ఈ పరుగు' నుంచి స్పెషల్ పోస్టర్

ఆర్యన్ రాజేశ్ .. శశాంక్ కలిసి 'ఎక్కడికి ఈ పరుగు' సినిమాలో ప్రధానమైన పాత్రల్లో కనిపించనున్నారు. జీవీ రాగ్ నిర్మాతగా వ్యవహరిస్తోన్న ఈ సినిమాకి అభిలాష్ రెడ్డి దర్శకుడు. ఈ రోజున శశాంక్ పుట్టినరోజు కావడంతో శుభాకాంక్షలు తెలుపుతూ,  ఈ సందర్భాన్ని పురస్కరించుకుని అల్లరి నరేశ్ తన ట్విట్టర్ ద్వారా ఈ స్పెషల్ పోస్టర్ ను రిలీజ్ చేశాడు.

పోస్టర్ ఆసక్తిని రేకెత్తించేదిగానే వుంది. ఈ ప్రాజెక్టుకి సంబంధించిన పూర్తి వివరాలు తెలియవలసి వుంది. శశాంక్ కొన్ని సినిమాల్లో ముఖ్యమైన పాత్రలను చేస్తుండగా, కొంత గ్యాప్ తరువాత ఆర్యన్ రాజేశ్ 'వినయ విధేయ రామ' సినిమాలో ముఖ్యమైన పాత్రను పోషిస్తున్నాడు. చూస్తుంటే ఆర్యన్ రాజేశ్ స్పీడ్ పెంచుతున్నట్టే కనిపిస్తోంది.