'ఎన్టీఆర్'లో భాగమైన అనుష్క... బీ సరోజాదేవి పాత్రలోనట!

నందమూరి బాలకృష్ణ హీరోగా, క్రిష్ దర్శకత్వంలో తెరకెక్కుతున్న 'ఎన్టీఆర్' బయోపిక్ లో అనుష్క కూడా భాగమైనట్టు తెరుస్తోంది. జనవరి 9న తొలిభాగం 'ఎన్టీఆర్ - కథానాయకుడు' విడుదల కానుండగా, బీ సరోజాదేవి పాత్రలో అనుష్క నటిస్తున్నట్టు సమాచారం.

అప్పట్లో ఎన్టీఆర్, సరోజాదేవి కలిసి నటించిన ఎన్నో చిత్రాలు సూపర్ హిట్ అయ్యాయి. ఆయా సినిమాలకు చెందిన కొన్ని విషయాలను బయోపిక్ లో చూపిస్తున్నారట. ఈ సన్నివేశాల చిత్రీకరణ పూర్తికాగానే, అనుష్క ఫస్ట్ లుక్ స్టిల్ విడుదల అవుతుందని టాలీవుడ్ వర్గాలు అంటున్నాయి. ఇక సరోజాదేవి పాత్రలో అనుష్క నటించే విషయమై అధికారిక ప్రకటన వెలువడాల్సి వుంది.