జగన్ పై దాడి జరిగిందని తెలిసి దిగ్భ్రాంతికి గురయ్యా: కేవీపీ రామచంద్రరావు

వైసీపీ అధినేత జగన్ పై విశాఖపట్నం ఎయిర్ పోర్టులో కత్తితో దాడి చేశారనే వార్త విని దిగ్భ్రాంతికి గురయ్యానని కాంగ్రెస్ పార్టీ రాజ్యసభ సభ్యుడు కేవీపీ రామచంద్రరావు అన్నారు. ఇలా జరగడం దారుణమని, ప్రజాస్వామ్యవాదులంతా ఈ దాడిని వ్యతిరేకించాల్సిన అవసరం ఉందని చెప్పారు. ఘటనపై విచారణ జరిపించి, బాధ్యులపై కఠినంగా చర్యలు తీసుకోవాలని డిమాండ్ చేశారు.

ఈ ఘటనపై ఏపీసీసీ అధ్యక్షుడు రఘువీరారెడ్డి స్పందిస్తూ, దాడిని ఖండిస్తున్నామని చెప్పారు. కట్టుదిట్టమైన భద్రత ఉండే ఎయిర్ పోర్టులో ఈ దాడి జరగడం దారుణమని అన్నారు. ఈ దాడి వెనుక కుట్ర కోణం ఏదైనా ఉందా? అనే కోణంలో కేంద్ర, రాష్ట్ర ప్రభుత్వాలు దర్యాప్తు చేయాలని డిమాండ్ చేశారు.