తెలంగాణలో తగ్గనున్న టీఆర్ఎస్ బలం... పుంజుకోనున్న కాంగ్రెస్!

రానున్న లోక్ సభ ఎన్నికల్లో తెలంగాణలో అధికార టీఆర్ఎస్ బలం తగ్గనుందని సీ ఓటర్ సర్వే అంచనా వేసింది. రాష్ట్రంలోని 17 లోక్ సభ స్థానాలకు ఇప్పటికిప్పుడు ఎన్నికలు జరిగితే, టీఆర్ఎస్ కు 9 స్థానాలే దక్కుతాయని, కాంగ్రెస్ బలం 6కు పెరుగుతుందని, ఎంఐఎం, బీజేపీలకు చెరో స్థానం దక్కుతాయని అంచనా వేసింది.

 2014 ఎన్నికలతో పోలిస్తే టీఆర్ఎస్ బలం 11 ఎంపీ సీట్ల నుంచి 2 స్థానాలు తగ్గుతాయని తెలిపింది. బీజేపీ తనకున్న ఒక్క సీటునూ నిలుపుకుంటుందని, టీడీపీ తాను పొందిన ఒక్క స్థానాన్నీ కోల్పోతుందని పేర్కొంది. కాంగ్రెస్ పార్టీ 2014లో 2 సీట్లను మాత్రమే గెలిచినప్పటికీ, ఈ దఫా మహాకూటమి కారణంగా లాభపడి 6 సీట్ల వరకూ గెలుస్తుందని అంచనా వేసింది.