USA: నవ్వుతూ నవ్వుతూ... స్నేహితురాలిని జలపాతంలోకి తోసేసింది:.. వీడియో

సరదాగా విహార యాత్రలకు అందరూ కలసి వెళితే, తన స్నేహితురాలిని అమాంతం జలపాతంలోకి తోసేసిందో యువతి. ఈ ఘటనను వారి మరో స్నేహితురాలు వీడియో తీయగా, అదిప్పుడు వైరల్ అవుతోంది. గత వారంలో ఓ స్నేహబృందం వాషింగ్టన్ సమీపంలోని యాక్టోల్ మౌల్టన్ జలపాతం వద్దకు వెళ్లిన సందర్భంగా ఈ ఘటన జరిగింది. సుమారు 60 అడుగుల పైనున్న బ్రిడ్జిపై నిలబడ్డ ఓ యువతి, జలపాతం అందాలను చూస్తుండగా, వెనకున్న మరో యువతి ఆమెను తోసేసింది.

 ఈ ఘటనలో నీళ్లల్లో పడిన యువతికి ఐదు పక్కటెముకలు విరిగాయి. ఊపిరితిత్తులు కూడా దెబ్బతిన్నాయని వైద్యులు వెల్లడించారు. ఈ జలపాతంలో డైవింగ్ ప్రమాదకరమని, నీళ్లల్లో రాళ్లు ఉంటాయని, లోతు కూడా అధికమని అధికారులు తెలిపారు. కాగా, తన కుమార్తెను స్నేహితురాలే చంపాలని చూసిందని గాయాలపాలైన యువతి తల్లి ఆరోపించింది. జలపాతంలోకి స్నేహితురాలిని నెడుతున్న యువతి వీడియోను మీరూ చూడవచ్చు.