‘సంజు’ మూడు రోజుల వసూళ్లు.. రికార్డులు బద్దలు

బాలీవుడ్‌ హీరో రణ్‌బీర్‌ కపూర్‌ ప్రధానపాత్రలో సీనియర్‌ నటుడు సంజయ్‌ దత్‌ జీవిత కథ ఆధారంగా రూపొందించిన ‘సంజు’ సినిమా భారీ వసూళ్లను రాబడుతోంది. గత శుక్రవారం విడుదలైన ఈ సినిమా సాధించిన కలెక్షన్ల గురించి సినీ విశ్లేషకుడు తరణ్‌ ఆదర్శ్‌ ట్విట్టర్‌లో వివరాలు తెలిపారు. తొలిరోజున రూ.34.75 కోట్లు రాబట్టి ఈ ఏడాది అత్యధిక ఓపెనింగ్స్‌ సాధించిన సినిమాగా నిలిచింది. కాగా, రెండోరోజు రూ.38.60 కోట్లు, మూడో రోజు (నిన్న) రూ.46.71 కోట్లు వసూలు చేసింది. 2018లో విడుదలైన సినిమాల్లో వారాంతంలో అత్యధిక వసూళ్లు రాబట్టిన సినిమాగా ‘సంజు’ నిలిచింది.