కోమియో స్మార్ట్ ఫోన్ తో సెల్ఫీలు తీసుకుంటూ హీరోయిన్ ప్రణీత సందడి!

ఇటీవల 'అత్యంత భరోసా బ్రాండ్'గా 'ఎకనామిక్ టైమ్స్' నుంచి గుర్తింపు పొందిన కోమియో, దక్షిణాది మార్కెట్లో మరింత మార్కెట్ వాటా కోసం తన తాజా స్మార్ట్ ఫోన్ 'ఎక్స్ 1 నోట్'ను హైదరాబాద్ మార్కెట్లో విడుదల చేసింది. ఈ కార్యక్రమంలో పాల్గొన్న హీరోయిన్ ప్రణీత, కొత్త స్మార్ట్ ఫోన్ తో సెల్ఫీలు దిగుతూ సందడి చేసింది. రూ. 9,990 ధరలో లభించే ఈ ఫోన్ లో 13/5 ఎంపీ డ్యూయల్ కెమెరాలు వెనుకవైపున, 8 ఎంపీ ఫ్రంట్ కెమెరా ఉంటాయి.

6 అంగుళాల స్క్రీన్, ఫుల్ వ్యూ, 2.5 కర్వ్ డ్ డిస్ ప్లే, 1.45 జీహెచ్ క్వాడ్ కోర్ ప్రాసెసర్ ఉంటాయని కోమియో స్మార్ట్ ఫోన్ చీఫ్ ఎగ్జిక్యూటివ్ ఆఫీసర్ సంజయ్ కలిరోన వెల్లడించారు. రూ. 5 వేల నుంచి రూ. 10 వేల రేంజ్ లో తాము 5 రకాల ఫోన్ లను అందిస్తున్నామని ఆయన అన్నారు. ఫేస్ అన్ లాక్, ఫింగర్ ప్రింట్ సెన్సార్, 3 జీబీ ర్యామ్, 32 జీబీ రామ్ సదుపాయాలు కూడా ఉన్నాయని ఆయన తెలిపారు. విక్రయానంతర సేవల్లో భాగంగా ఒక సంవత్సరం 100 రోజుల వారెంటీ, వన్ టైమ్ స్క్రీన్ బ్రేకేజ్ వారంటీ, బై బ్యాక్ లను కూడా అందిస్తున్నామన్నారు.