రజనీకాంత్ గారూ.. మా రిజర్వాయర్లలో నీటిని చూడండి!: జేడీఎస్ నేత కుమారస్వామిగౌడ

కావేరీ జలాల బోర్డు అంశంపై తమిళ సూపర్ స్టార్ రజనీకాంత్ చేసిన వ్యాఖ్యలపై జేడీఎస్ నేత కుమారస్వామిగౌడ స్పందించారు. బెంగళూరులో ఈరోజు ఆయన మీడియాతో మాట్లాడుతూ, రజనీ చేసిన ఈ వ్యాఖ్యలను తాను స్వీకరించలేనని అన్నారు. ప్రస్తుతానికి రజనీకాంత్, తాను ఏ ప్రభుత్వానికి చెందిన వ్యక్తులం కాదని, ఓ సాధారణ పౌరుడిగా ఆయనకు ఓ విజ్ఞప్తి చేస్తున్నానని అన్నారు.

రజనీకాంత్ ఓసారి బెంగళూరుకు వచ్చి ఇక్కడి రిజర్వాయర్లలో ఉన్న నీటి నిల్వలను పరిశీలించడంతో పాటు తమ రైతులు ఎన్ని సమస్యలు ఎదుర్కొంటున్నారో తెలుసుకుంటే ఆయన మనసు తప్పకుండా మారుతుందని భావిస్తున్నానని అన్నారు.