అమేజాన్, చైనా ఒప్పో కలసి కట్టుగా తీసుకొస్తున్న స్మార్ట్ ఫోన్.. రేపు దీనిపై ప్రకటన

చైనాకు చెందిన ప్రముఖ స్మార్ట్ ఫోన్ కంపెనీ ఒప్పో అమేజాన్ తో కీలక భాగస్వామ్యం కుదుర్చుకోనుంది. దీనిపై రేపు ప్రకటన విడుదల కానుంది. కొత్త భాగస్వామ్యంపై అమేజాన్ డాట్ ఇన్ లో ఈ మేరకు నోటిఫికేషన్ కనిపిస్తోంది. ఇది మార్కెట్ ను షేక్ చేసే ప్రకటనగా కంపెనీ అభివర్ణిస్తోంది. తమ భాగస్వామ్యంతో స్టైలిష్ స్మార్ట్ ఫోన్, కొత్త బ్రాండ్ తో రానుందని అమేజాన్ సంకేతాలు ఇచ్చింది.

మరో ఈ కామర్స్ సంస్థ ఫ్లిప్ కార్ట్ తైవాన్ కు చెందిన ఆసుస్ తో ఇలానే ఒప్పందం చేసుకుని ఆసుస్ జెన్ ఫోన్ మ్యాక్స్ ప్రో ఎం1 పేరుతో స్మార్ట్ ఫోన్ ను ఆవిష్కరించిన విషయం తెలిసిందే. ఈ ఫోన్ల అమ్మకాలు మే నెల 3 నుంచి జరుగుతాయి. ఈ నేపథ్యంలో అమేజాన్ కూడా ఫ్లిప్ కార్ట్ మాదిరిగానే ఒప్పోతో భాగస్వామ్యం ఏర్పాటు చేసుకున్నట్టు తెలుస్తోంది.