అమ్మతో బుజ్జి తారక్‌.. ఫొటో వైరల్

ఆది, సింహాద్రి, అదుర్స్‌, బృందావనం, జనతా గ్యారేజ్‌, నాన్నకు ప్రేమతో వంటి సినిమాలతో భారీ హిట్‌లు అందుకుని టాలీవుడ్‌ అగ్ర హీరోల్లో ఒకరిగా వెలుగొందుతోన్న జూనియర్‌ ఎన్టీఆర్‌ ప్రస్తుతం త్రివిక్రమ్‌ దర్శకత్వంలో ఓ సినిమాలో నటిస్తోన్న విషయం తెలిసిందే.

తాజాగా ఆయన చిన్నప్పటి ఫొటో ఒకటి బయటకు వచ్చింది. తన తల్లి శాలిని పక్కన నోట్లో వేలు పెట్టుకుని అమాయకంగా నిల్చొని ఉన్నాడు. ఈ ఫొటోను ఎన్టీఆర్‌ అభిమానులు పోస్ట్ చేయగా తెగ వైరల్‌ అవుతోంది. ఇటీవలే తారక్‌ లవకుశ సినిమాలో తన నట విశ్వరూపాన్ని చూపాడు. త్రివిక్రమ్‌తో సినిమా తరువాత దర్శకుడు రాజమౌళి తీయనున్న మల్టీస్టారర్‌ సినిమాలో తారక్‌ నటించనున్నాడు.