కాలేజ్ డేస్ లో ఒక అమ్మాయిని ఇష్టపడ్డాను: హైపర్ ఆది

తాజాగా ఐ డ్రీమ్స్ కి ఇంటర్వ్యూ ఇచ్చిన హైపర్ ఆది, కాలేజ్ డేస్ గురించిన కొన్ని విషయాలను ప్రస్తావించాడు. బీటెక్ లో ఉండగా వెనుక బెంచ్ లో కూర్చుని, ఫ్రెండ్స్ తో కలిసి ఒకటే సందడి చేసే వాడిని. నేను ఒక్కరోజు కాలేజ్ కి వెళ్లకపోయినా 'ఈ రోజు ఆది రాలేదురా  .. క్లాస్ బోర్ కొడుతోంది' అనుకునేవాళ్లు. ఫ్రెండ్స్ తో కలిసి సందడి చేసినా, మంచి మార్కులు వచ్చేలా చూసుకునేవాడిని' అన్నాడు.

'ఎవరితోనైనా లవ్ లో పడ్డారా? లవ్ మ్యారేజ్ చేసుకుంటారా?' అనే ప్రశ్నకి ఆయన స్పందిస్తూ .. 'ప్రేమించి పెళ్లి చేసుకునే ఉద్దేశం లేదు .. పెద్దలు కుదిర్చిన పెళ్లినే చేసుకుంటాను. నాకు కాబోయే భార్యను ఎంపిక చేసే అవకాశం వాళ్లకి ఇవ్వాలని అనుకుంటున్నాను. కాలేజ్ డేస్ లోను ఒక అమ్మాయినే ఎక్కువగా చూసేవాడిని .. ఆ అమ్మాయినే బాగా ఇష్టపడేవాడిని. పేరు చెప్పకూడదు .. ఆ అమ్మాయికి పెళ్లైపోయింది' అంటూ నవ్వేశాడు.