హైదరాబాదులో ఆదివారం నుంచి విధుల్లోకి 'రోబో పోలీస్'

హైదరాబాదులో రోబో పోలీసు విధులను నిర్వర్తించనుంది. ఈ రోబో పోలీస్ ప్రజలను పలకరిస్తుంది, గుర్తు పడుతుంది, ఫిర్యాదులను కూడా వింటుంది. ప్రపంచంలో విధులు నిర్వహిస్తున్న రెండో రోబో పోలీసుగా ఇది చరిత్రకెక్కనుంది. జూబ్లీహిల్స్ చెక్ పోస్టులో ఆదివారం నుంచి ఈ రోబో విధులను ప్రారంభించనుంది.

హైదరాబాదులోని టీహబ్ లో స్టార్టప్ కంపెనీగా ప్రారంభమైన హెచ్ బోట్స్ రోబోటిక్స్ కంపెనీ ఈ రోబో పోలీసును రూపొందించింది. దుబాయ్ లో ఇప్పటికే చక్రాలపై కదిలే రోబో పోలీసు విధులను నిర్వహిస్తోంది. మన హైదరాబాద్ రోబో పోలీసు దీనికి భిన్నమైంది. చక్రాల మీద కాకుండా, ఇది కదులుతుంది.