బిట్‌కాయిన్‌కి కూడా వ‌స్తుసేవ‌ల ప‌న్ను?

బిట్‌కాయిన్‌... గ‌త రెండు వారాలుగా ప్ర‌పంచవ్యాప్తంగా సంచ‌ల‌నం సృష్టిస్తోంది. మొన్నీమ‌ధ్య ఒక బిట్‌కాయిన్ విలువ 16వేల డాల‌ర్ల‌కు చేర‌డంతో భ‌విష్య‌త్‌లో కూడా ఇంకా పెరుగుతుంద‌నే ఆశ‌తో చాలామంది ఇందులో పెట్టుబ‌డులు పెట్టేందుకు మొగ్గుచూపుతున్నారు. ఈ పెట్టుబ‌డుల వంక‌తో వారు అధికంగా సంపాదించి ప‌న్ను ఎగ‌వేసే అవ‌కాశం ఉంది క‌నుక ఈ డిజిట‌ల్ క‌రెన్సీని కూడా ప‌న్ను ప‌రిధిలోకి తీసుకురావాల‌ని కేంద్ర ప్ర‌భుత్వం యోచిస్తున్న‌ట్లు తెలుస్తోంది.

అయితే ఈ బిట్‌కాయిన్ లాభం ప‌రోక్ష ప‌న్నుల ప‌రిధిలోకి రాదు కాబ‌ట్టి వ‌స్తుసేవ‌ల ప‌న్ను రూపేణ దీని మీద ప‌న్ను వేయాల‌ని ప్ర‌భుత్వం ప్ర‌య‌త్నిస్తోంది. ఇందుకు సంబంధించి దేశంలోని ప్రధాన బిట్‌కాయిన్‌ ఎక్స్ఛేంజీలపై పరోక్ష పన్నుల శాఖ అధికారులు సర్వే కూడా చేప‌ట్టారు.  జీఎస్‌టీలో ఏ పన్నురేటు కింద దీనిని చేరిస్తే బాగుంటుందని ఆయా సంస్థల నిర్వాహకుల అభిప్రాయాలను వీరు తెలుసుకున్న‌ట్లు స‌మాచారం.