ఆర్టిఫిషియ‌ల్ ఇంటెలిజెన్స్ ద్వారా హాలీవుడ్‌ న‌టి న‌కిలీ పోర్న్ వీడియో!

హాలీవుడ్ లో మ‌రో వివాదం తెర మీద‌కి వ‌చ్చింది. కాక‌పోతే ఈసారి వ‌చ్చింది ఓ న‌కిలీ పోర్న్ వీడియోకి సంబంధించినది. ప్రముఖ న‌టి గాల్ గ‌డోట్ పోర్న్ వీడియోలో న‌టించిన‌ట్లు ఉన్న ఈ న‌కిలీ వీడియో ఇంటర్నెట్‌లో ప్ర‌త్య‌క్ష‌మైంది. సోష‌ల్ మీడియా వెబ్‌సైట్ రెడిట్‌లో డీప్‌ఫేక్స్ అనే యూజ‌ర్ ఈ వీడియోను పోస్ట్ చేశాడు. ఆర్టిఫిషియ‌ల్ ఇంటెలిజెన్స్‌, మెషీన్ లెర్నింగ్ ద్వారా ఈ వీడియోను సృష్టించినట్లు తెలుస్తోంది.

వండ‌ర్ ఉమెన్ చిత్రం ద్వారా ప్ర‌పంచ‌వ్యాప్తంగా పాప్యులారిటీ సంపాదించుకున్న గాల్ గడోట్ వీడియో న‌కిలీద‌ని నిపుణులు వెంట‌నే తేల్చ‌శారు. అయితే ఇలాంటి వీడియోలు రూపొందించేవారు కేవ‌లం సెలెబ్రిటీల‌కు మాత్ర‌మే ప‌రిమితమ‌వ‌ర‌ని భ‌విష్య‌త్తులో సాధార‌ణ జ‌నాన్ని కూడా వీరు టార్గెట్ చేసే అవ‌కాశం ఉంద‌ని నిపుణులు అంటున్నారు. ఒక‌వేళ అదే గానీ జ‌రిగితే ఆర్టిఫిషియ‌ల్ ఇంటెలిజెన్స్ అన‌ర్థాల‌కు కార‌ణభూతంగా నిలిచే అవ‌కాశాలున్నాయ‌ని వారు అభిప్రాయ‌ప‌డుతున్నారు.