విజయ్ దేవరకొండ న్యూ మూవీ టైటిల్ 'షికార్'

యూత్ లో విజయ్ దేవరకొండకి ఇప్పుడున్న క్రేజ్ అంతా ఇంతా కాదు. ఆయన తదుపరి చిత్రం రాహుల్ సాంకృత్యన్ దర్శకత్వంలో తెరకెక్కుతోంది. గీతా ఆర్ట్స్ 2 .. యూవీ క్రియేషన్స్ వారు ఈ సినిమాను నిర్మిస్తున్నారు. ఈ సినిమాలో విజయ్ దేవరకొండ ఓ క్యాబ్ డ్రైవర్ గా కనిపిస్తాడు. కథ కూడా క్యాబ్ చుట్టూనే తిరుగుతుంది .. అందువలన ఈ సినిమాకి 'షికార్' అనే టైటిల్ ను ఖరారు చేసినట్టు సమాచారం.

 యూత్ తో పాటు మాస్ ఆడియాన్స్ ను ఆకట్టుకునేలా ఈ సినిమాను రూపొందిస్తున్నారట. ఈ సినిమాలో విజయ్ దేవరకొండ జోడీగా .. డాక్టర్ పాత్రలో ప్రియాంకా జవాల్కర్ కనిపించనుంది. ఇక ఈ సినిమాతో పాటు పరశురామ్ దర్శకత్వంలోను విజయ్ దేవరకొండ ఒక సినిమా చేస్తున్నాడు. ఇవే కాకుండా ఆయన చేతిలో మరో మూడు .. నాలుగు ప్రాజెక్టులు వున్నాయి. వచ్చే ఏడాది విజయ్ దేవరకొండ వరుసగా ఆడియన్స్ ను అలరిస్తాడన్నమాట.