వీకెండ్ లో ఎంజాయ్ చేస్తున్న రాంగోపాల్ వర్మ, చార్మి, పూరి జగన్నాథ్... వీడియో చూడండి!

సంచలన దర్శకుడు రాంగోపాల్ వర్మ, డైరెక్టర్ పూరి జగన్నాథ్, హీరోయిన్ చార్మీలు ఒకేచోట చేరి వీకెండ్ ను ఎంజాయ్ చేశారు. వీరు ఏదో సినిమా డిస్కషన్స్ కోసం కలిశారని మాత్రం భావించవద్దు. అందరూ ఓ చోట చేరి, మ్యూజిక్ ను ఎంజాయ్ చేస్తూ, సందడి చేసిన వీడియో ఇప్పుడు సోషల్ మీడియాలో వైరల్ అవుతోంది.

శివ, అంతం, గోవిందా గోవిందా తరువాత వర్మ దర్శకత్వంలో పాతికేళ్ల తరువాత నాగార్జున హీరోగా 'కంపెనీ' పేరిట ఓ సినిమా తయారవుతుండగా, ఆ పనుల నిమిత్తం వర్మ ప్రస్తుతం హైదరాబాద్ లో మకాం వేసిన సంగతి తెలిసిందే. ఈ సందర్భంగానే గురు శిష్యులు ఓ చోట చేరారు. ప్రస్తుతం పూరి తన కుమారుడిని హీరోగా రీ లాంచ్ చేస్తూ 'మెహబూబా' పేరిట చిత్రం నిర్మిస్తున్న సంగతి తెలిసిందే. ఇక వీరి వీకెండ్ పార్టీ వీడియోలను చార్మీ తన సోషల్ మీడియాలో పోస్ట్ చేసింది. వర్మ, పూరి, ఆకాష్, చార్మీ సహా పలువురు ఈ వీడియోలో కనిపిస్తున్నారు. ఆ వీడియోను మీరూ చూడండి.