త్రిపురలో దారుణ హత్యకు గురైన మ‌రో జర్న‌లిస్టు!

త్రిపురలో దారుణ ఘ‌ట‌న చోటు చేసుకుంది. అదే రాష్ట్రంలో ఇటీవ‌ల ఓ జ‌ర్నలిస్టు హ‌త్య‌కు గురైన విష‌యాన్ని మ‌ర్చిపోక‌ముందే మరో జర్నలిస్టు దారుణ హత్యకు గురయ్యాడు. అక్క‌డి స్యందన్‌ పత్రికలో పనిచేస్తున్న జర్నలిస్టు సుదీప్‌ దత్త భౌమిక్ ఈ రోజు త్రిపుర రాష్ట్రీయ రైఫిల్స్‌(టీఎస్ఆర్‌) సెకండ్‌ బెటాలియన్‌ కమాండెంట్‌ను కలిసేందుకు వెళ్లాడు. అందు కోసం ఆయ‌న ముందే అపాయింట్‌మెంట్‌ తీసుకున్నాడు.

అయితే, కమాండెంట్ కార్యాల‌యానికి వ‌చ్చిన ఆ జ‌ర్న‌లిస్టుని భద్రతాసిబ్బందికి చెందిన తపన్‌ దేవర్మ అనే పోలీస్ అడ్డుకుని వాగ్వివాదానికి దిగాడు. దీంతో ఇద్ద‌రి మ‌ధ్య గొడ‌వ చెల‌రేగింది. కోపంతో ఊగిపోయిన తపన్‌ తన దగ్గరున్న తుపాకీతో సుదీప్‌ను కాల్చి చంపేశాడు. నిందితుడిని పోలీసులు అదుపులోకి తీసుకుని ద‌ర్యాప్తు కొన‌సాగిస్తున్నారు.