అవ‌స‌ర‌మైతే దీపికా ప‌దుకునే ముక్కు కోస్తాం... వీడియోలో హెచ్చ‌రించిన క‌ర్ని సేన స‌భ్యుడు

విడుద‌ల తేదీ ద‌గ్గ‌ర‌ప‌డుతున్న కొద్దీ 'ప‌ద్మావ‌తి' వివాదం ఇంకాస్త ర‌గులుతోంది. రాజ్‌పుత్ మ‌హిళ‌ల‌ను కించ‌ప‌రిచినందుకు అవ‌స‌ర‌మైతే న‌టి దీపికా ప‌దుకునే మీద కూడా చ‌ర్య‌లు తీసుకుంటామ‌ని క‌ర్ని సేన హెచ్చ‌రిస్తోంది. ఈ వివాదం గురించి క‌ర్ని సేన స‌భ్యుడు మ‌హిపాల్ సింగ్ మ‌క‌రానా ఓ వీడియో విడుద‌ల చేశాడు. అందులో దీపికా ప‌దుకునే మీద చ‌ర్య తీసుకునేందుకు కూడా తాము వెన‌కాడ‌బోమ‌ని హెచ్చ‌రించాడు.

'సినిమాల్లో మ‌హిళ‌ల‌ను చూపిస్తున్న విధానాల‌కు వ్య‌తిరేకంగా రాజ్‌పుత్ క‌ర్ని సేన పోరాడుతోంది. మేం ఇప్ప‌టివ‌ర‌కు ఆడ‌వారి మీద చేయి ఎత్త‌లేదు. కానీ ఈ పోరాటంలో భాగంగా భార‌త సంస్కృతిని కించ‌ప‌రిచినందుకు శూర్ప‌ణ‌ఖ‌కు ల‌క్ష్మ‌ణుడు చేసిన ప‌నినే మేం దీపికాకు చేయ‌డానికి వెనుకాడం' అని మ‌హిపాల్ సింగ్ అన్నాడు. ఈ సినిమాకు వ్య‌తిరేకంగా రాజ‌స్థాన్ వ్యాప్తంగా వివిధ ప్రాంతాల్లో నిర‌స‌న‌లు జ‌రుగుతూనే ఉన్నాయి. వారంతా క‌లిసి డిసెంబ‌ర్ 1న బంద్ పాటించాల‌ని నిర్ణ‌యించుకున్న సంగ‌తి తెలిసిందే.