దీపికా పదుకునేతో జీవితాంతం నటిస్తానంటున్న ఇర్ఫాన్ ఖాన్

దీపికా పదుకునేతో జీవితాంతం సినిమాలు చేస్తానని బాలీవుడ్ విలక్షణ నటుడు ఇర్ఫాన్ ఖాన్ అన్నాడు. ‘సప్నా దీదీ’ బయోపిక్‌ లో దీపికాతో మరోసారి నటించబోతున్న సందర్భంగా ఆయన మాట్లాడుతూ, జీవితాంతం దీపికతోనే సినిమాలు చేస్తూ ఉండటానికి తనకు ఎలాంటి అభ్యంతరం లేదని అన్నాడు. దీపిక చాలా అద్భుతమైన, అందమైన అమ్మాయని ప్రశంసించాడు. కాగా, ఇర్ఫాన్‌ ఖాన్ గతంలో ఆమెతో 'పీకూ' సినిమాలో నటించాడు. ఆ సినిమా బాలీవుడ్ ను ఆకట్టుకుంది. బాలీవుడ్‌, హాలీవుడ్‌ సినిమాల్లో నటించే ఇర్ఫాన్ ఖాన్ మహేశ్‌ బాబు కథానాయకుడిగా నటించిన ‘సైనికుడు’ సినిమాలో విలన్ పాత్ర పోషించాడు.