నా డ్రైవింగ్ అంటే సునీల్ నాలుగు బెల్టులు పెట్టుకునేవాడు!: మంచు మనోజ్

కొంతకాలంగా మంచు మనోజ్ సరైన హిట్ కోసం ఎదురుచూస్తున్నాడు. తన తాజా చిత్రం 'ఒక్కడు మిగిలాడు'తో తన నిరీక్షణ ఫలిస్తుందని భావిస్తున్నాడు. ఈ సందర్భంగా ఆయన ఐ డ్రీమ్స్ తో ఈ సినిమా విశేషాలతో పాటు, కొన్ని సరదా సంగతులను పంచుకున్నాడు. తన స్నేహితులతో తాను చేసిన 'యూటర్న్ కామెడీ గురించి ప్రస్తావిస్తూ. " ఫిల్మ్ సిటీలో చిన్న పనుందిరా ఇలా వెళ్లేసి అలా వచ్చేద్దాం అని చెప్పేసి ఫ్రెండ్స్ ను తీసుకుని కార్లో బయల్దేరేవాడిని" అని చెప్పాడు.

 "ఫిల్మ్ సిటీని దాటుకుని ముందుకు వెళుతుండటంతో, "బాబోయ్ .. ఫిల్మ్ సిటీ దాటేశాం రా .." అనేవాళ్లు. "కొంచెం ముందుకెళ్లి యూటర్న్ తీసుకుందాం రా" అనే వాడిని. " ఎంత ముందుకు బాబాయ్ ..?" అంటూ అడిగేవారు. కంగారు పడకండిరా .. విజయవాడ వరకూ వెళ్లి యూ టర్న్ చేసుకుని వచ్చేద్దాం అని చెప్పేసి విజయవాడ తీసుకెళ్లిపోయేవాడిని" అని అన్నాడు. ఇలా 'యూటర్న్' కామెడీకి బలైన వాళ్లలో సునీల్ కూడా వున్నాడు. నా డ్రైవింగ్ అంటే సునీల్ నాలుగు బెల్టులు పెట్టుకునే వాడు" అంటూ మంచు మనోజ్  నవ్వేశాడు.