సినిమా కబుర్లు... సంక్షిప్త సమాచారం!

*  గత పది నెలల పాటు విరామం లేకుండా తెలుగు సినిమాలలో నటించిన అందాలభామ మెహ్రీన్ ఇప్పుడు చిన్న బ్రేక్ తీసుకుని హాలిడే కోసం అమెరికా వెళ్లింది. ఈ వారంలో తన బర్త్ డే వేడుకను అక్కడే కుటుంబ సభ్యులు, స్నేహితుల సమక్షంలో జరుపుకుంటుందట.
*  ఇటీవల 'బిగ్ బాస్' రియాలిటీ షో ద్వారా మరింత పాప్యులారిటీ తెచ్చుకున్న యువ నటులు శివబాలాజీ, నవదీప్ కలసి ఓ చిత్రంలో నటించనున్నారు. ఓ ప్రముఖ చిత్ర నిర్మాణ సంస్థ ఈ చిత్రాన్ని నిర్మిస్తోంది. నూతన దర్శకుడు దర్శకత్వం వహించే ఈ చిత్రానికి సంబంధించిన అధికారిక ప్రకటన త్వరలో వస్తుంది.
*  తమిళంలో హిట్టయిన 'బోగన్' చిత్రం తెలుగు రీమేక్ లో రవితేజ నటించనున్నట్టు ఇటీవల వార్తలొచ్చిన సంగతి విదితమే. అయితే, తాజా సమాచారం ప్రకారం రవితేజ ఈ ప్రాజక్టు నుంచి బయటకు వచ్చేశాడట. దీనికి కారణం ఏమిటన్నది తెలియాల్సివుంది.
*  'అర్జున్ రెడ్డి' సినిమాతో మంచి పాప్యులారిటీ తెచ్చుకున్న విజయ్ దేవరకొండ తాజాగా మరో చిత్రాన్ని అంగీకరించాడు. ఇటీవల ఎన్టీఆర్ తో 'జై లవ కుశ' చిత్రాన్ని రూపొందించిన దర్శకుడు బాబీ చెప్పిన కథ నచ్చడంతో విజయ్ ఆయనకు గ్రీన్ సిగ్నల్ ఇచ్చేశాడట.