`రోబో 2.0` తెలుగు ఆడియో వేడుక వ్యాఖ్యాత‌గా రానా ద‌గ్గుబాటి!

శంక‌ర్ ద‌ర్శక‌త్వంలో ర‌జ‌నీకాంత్‌, అమీ జాక్స‌న్‌, అక్ష‌య్ కుమార్‌లు న‌టించిన `రోబో 2.0` చిత్ర ఆడియో వేడుక రేపు దుబాయ్‌లో జ‌ర‌గ‌నున్న సంగ‌తి తెలిసిందే. అయితే ఈ ప్రతిష్ఠాత్మ‌క కార్య‌క్ర‌మంలో తెలుగు వెర్షన్ ఆడియో విడుదల కార్యక్రమానికి రానా ద‌గ్గుబాటి వ్యాఖ్యాత‌గా వ్య‌వ‌హరించ‌నున్న‌ట్లు తెలుస్తోంది.

అలాగే త‌మిళ భాష ఆడియో కార్యక్రమానికి `స్పైడ‌ర్‌` సినిమాలో న‌టించిన ఆర్జే బాలాజీ వ్యాఖ్యాత‌గా వ్య‌వ‌హ‌రించ‌నున్నాడు. ఇప్ప‌టికే ఈ చిత్ర ఆడియో వేడుక‌కు సంబంధించి దుబాయ్‌లో ప్రెస్‌మీట్ కూడా నిర్వ‌హించారు. ఈ ఆడియో వేడుక సంద‌ర్భంగా సంగీత ద‌ర్శ‌కుడు ఏఆర్ రెహ‌మాన్ లైవ్ ప్ర‌ద‌ర్శ‌న కూడా ఉంటుంద‌ని చిత్ర‌యూనిట్ పేర్కొంది.