దీనికంతా కారణం ఆమిర్ ఖానే... కోర్టులోనే తేల్చుకుంటా: కేఆర్కే

బాలీవుడ్ నిర్మాత, నటుడు, విశ్లేషకుడు కమాల్ ఆర్ ఖాన్ ట్విట్టర్ ఖాతా సస్పెండ్ అయిన సంగతి తెలిసిందే. బాలీవుడ్, టాలీవుడ్ ప్రముఖులపై అసభ్యకర కామెంట్లు చేస్తున్నాడని... ట్వీట్లతో ఇతరులను తీవ్రంగా విమర్శిస్తున్నాడనే కారణంతో అతని ఖాతాను ట్విట్టర్ తొలగించింది.

ఈ నేపథ్యంలో, ఆమిర్ ఖాన్ పై కేఆర్కే మండిపడ్డాడు. తన ఖాతా సస్పెండ్ కావడానికి కారణం ఆమిర్ ఖానే అని ఆరోపించాడు. ఈ విషయాన్ని హైకోర్టులో తేల్చుకుంటానని చెప్పాడు. ఆమిర్ నటించిన 'సీక్రెట్ సూపర్ స్టార్' సినిమా నిన్న విడుదలైంది. అయితే, ఈ సినిమా చాలా చెత్తగా ఉందంటూ కేఆర్కే రివ్యూ ఇచ్చాడు. ఆ తర్వాత ట్విట్టర్ లో దుమారం రేగింది. అనంతరం అతని ట్విట్టర్ ఖాతా ఆగిపోయింది.