నిత్యామీనన్ బాటలోనే అనుపమ పరమేశ్వరన్!

తెలుగు తెరకి పరిచయమవుతూనే అనుపమ పరమేశ్వరన్ కుర్రకారు ప్రేక్షకుల మనసులను దోచేసింది. వరుస విజయాలను తన ఖాతాలో వేసుకుంటూ లక్కీ హీరోయిన్ అనిపించుకుంది. అందం .. ఆకర్షణ .. అభినయం సమపాళ్లలో వున్నట్టుగా కనిపించే ఈ కథానాయికకి, ఆశించిన స్థాయిలో అవకాశాలు రావడం లేదనే చెప్పాలి.

 వరుస సక్సెస్ లు వెంటవున్నా అవకాశాలు ఆ స్థాయిలో పరిగెత్తుకు రాకపోవడం విశేషం. అందుకు కారణం ఆమె గ్లామర్ ను ఒలికించే విషయంలో ససేమిరా అనడం .. ఆమె ఎత్తు తక్కువగా ఉండటం అనే టాక్ వినిపిస్తోంది. ఈ రెండు కారణాల వల్లనే అవకాశాలు తక్కువగా పలకరిస్తున్నాయని చెప్పుకుంటున్నారు. తెలుగులో ఆమధ్య నిత్యామీనన్ కి కూడా ఇదే పరిస్థితి ఎదురైంది .. ఇప్పుడు అదే రూట్లో అనుపమ వుంది అంతే!