కియా వచ్చేసింది... ఇక యాపిల్ పైనే చంద్రబాబు దృష్టి!

నవ్యాంధ్రను పారిశ్రామికంగా, ఐటీ హబ్ గా తీర్చిదిద్దేందుకు చంద్రబాబు విశ్వ ప్రయత్నం చేస్తున్నారు. ఈ క్రమంలో, తాజాగా ప్రముఖ కార్ల తయారీ సంస్థ కియాను ఏపీకి రప్పించారు. అనంతపురం జిల్లా పెనుకొండలో ఈ సంస్థ తన తయారీ యూనిట్ ను ప్రారంభించనుంది. ఈ నేపథ్యంలో ఎంతో జోష్ గా ఉన్న చంద్రబాబు... ఇప్పుడు టెక్ దిగ్గజం యాపిల్ పై దృష్టి సారించారు.

ఈ విషయంలో ఆయన ఓ పక్కా ప్రణాళికతో ముందుకు సాగుతున్నట్టు సమాచారం. తన అమెరికా పర్యటనలో యాపిల్ సంస్థను తిరుపతికి తీసుకురావడమే చంద్రబాబు ప్రథమ లక్ష్యంగా ఉండబోతోంది. ఇందులో భాగంగా యాపిల్ సీఈవోతో చంద్రబాబు భేటీ కాబోతున్నారు. గూగుల్ యాజమాన్యంతో కూడా చంద్రబాబు భేటీ అవుతారు.