లాస్ ఏంజిల్స్ ఎయిర్ పోర్టులో కాల్పులు!
అమెరికాలోని లాస్ ఏంజిల్స్ లో కాల్పులు కలకలం సృష్టించాయి. వెంటనే స్పందించిన భద్రతా దళాలు, ఎయిర్ పోర్టును మూసివేసి ప్రయాణికులను బయటకు పంపించి వేశారు. కాల్పులకు పాల్పడ్డాడన్న అనుమానంతో ఓ వ్యక్తిని అదుపులోకి తీసుకుని విచారిస్తున్నారు. అసులు తుపాకితో ఎయిర్ పోర్టులోకి ఎలా ప్రవేశించాడన్న విషయాన్ని కూడా పోలీసులు కూపీ లాగుతున్నారు. ఈ ఘటనలో ఎవరూ మృత్యువాత పడలేదని ప్రాథమిక సమాచారం. ఎయిర్ పోర్టును తమ అధీనంలోకి తీసుకున్న భద్రతా దళాలు అణువణువూ గాలిస్తున్నాయి. ఘటనపై మరిన్ని వివరాలు తెలియాల్సివుంది.
