రిపబ్లిక్ డే నాడు భారత్ పై దాడి... ముంబై ఎయిర్ పోర్టు టాయిలెట్లలో ఐఎస్ లేఖలు
ఈ నెల 26న భారత గణతంత్ర దినోత్సవం సందర్భంగా దాడులు చేసి తీరతామని ఐఎస్ఐఎస్ ఉగ్రవాద సంస్థ వెల్లడించింది. ఈ మేరకు ఆ సంస్థకు చెందినవిగా భావిస్తున్న లేఖలు ముంబై విమానాశ్రయంలోని మరుగుదొడ్లలో లభించాయి. గణతంత్ర దినోత్సవం సందర్భంగా భారత్ పై దాడులు చేసి తీరతామని సదరు లేఖల్లో ఆ ఉగ్రవాద సంస్థ పేర్కొంది. ఐఎస్ లేఖల నేపథ్యంలో పోలీసులు అప్రమత్తమయ్యారు. ఎయిర్ పోర్టులో పోలీసులు భద్రతను మరింత కట్టుదిట్టం చేశారు. ఐఎస్ లేఖలపై సమాచారం అందుకున్న కేంద్ర హోం శాఖ దేశంలోని వివిధ పోలీసు విభాగాలను అప్రమత్తం చేసింది.
