'కత్తి' విడుదలపై సమస్యలన్నీ పరిష్కారమయ్యాయి: నటుడు విజయ్

తాను నటించిన 'కత్తి' చిత్రం విడుదలకు సంబంధించిన అన్ని సమస్యలు పరిష్కారమయ్యాయని హీరో విజయ్ తెలిపారు. ఈ మేరకు తమిళ అనుకూల వర్గాల నుంచి వచ్చిన డిమాండ్ మేరకు ప్రొడక్షన్ పేరు నుంచి వారి పేరు (లైకా)ను సినిమా ప్రచారం నుంచి తీసివేసినట్లు ఓ ప్రకటనలో తెలిపాడు. "సినిమా విడుదలకు సామరస్య పూర్వకంగా సహకరించిన 'పురచ్చితలైవి' అమ్మకు నా హృదయపూర్వకమైన ధన్యవాదాలు చెబుతున్నాను. తమిళనాడు పోలీసులు, థియేటర్ యాజమాన్యాలు, తమిళుల మనోభావాలను నిర్మాతలు గౌరవించి వారి పేరును తొలగించారు" అని విజయ్ పేర్కొన్నాడు. ఈ సమస్య ముగిసినందున సినిమా విడుదల కోసం ఎదురుచూస్తున్న అభిమానులు, సాధారణ ప్రజలు చిత్రం చూసి ఎంజాయ్ చేయాలని కోరారు. దర్శకుడు ఏఆర్ మురుగుదాస్ రూపొందించిన ఈ సినిమాను లైకా ప్రొడక్షన్స్ నిర్మించింది. ఈ నిర్మాణ సంస్థతో శ్రీలంక అధ్యక్షుడు మహింద రాజపక్సకు సంబంధాలున్నాయని ఆరోపణలు వచ్చాయి. దాంతో, ఆగ్రహంచిన పలు తమిళ వర్గాలు 'లైకా' పేరును తొలగించాల్సిందేనని డిమాండ్ చేశారు. దాంతో, 'కత్తి' రిలీజ్ పై నీలిమేఘాలు కమ్ముకున్నాయి. చివరకు సమస్య తీరిపోవడంతో విడుదలయ్యేందుకు సిద్ధమైంది.