తెలంగాణ అసెంబ్లీలో గవర్నర్ ప్రసంగం... హైలైట్స్

తెలంగాణ ప్రజల ఎన్నో ఏళ్ల కల సాకారమైందని శాసనసభ, శాసనమండలిని ఉద్దేశించి చేసిన ప్రసంగంలో గవర్నర్ నరసింహన్ పేర్కొన్నారు. వందలాది యువకుల త్యాగాల ఫలితం వల్లే తెలంగాణ స్వప్నం సాకారమైందన్నారు. ఆయన ప్రసంగంలోని హైలైట్స్ ఇవి.

* కేజీ నుంచి పీీజీ వరకు ఆంగ్ల మాధ్యమంలో ఉచిత నిర్బంధ విద్య.
* జర్నలిస్టులకు రూ.10 కోట్లతో సంక్షేమ నిధి.
* న్యాయవాదులకు రూ.100 కోట్లతో సంక్షేమ నిధి.
* గల్ఫ్ కార్మికుల సంక్షేమం, పునరావాసం కోసం ప్రత్యేక ప్రణాళిక ఏర్పాటు చేస్తాం.
* ప్రతి రైతుకు రూ.లక్ష వరకు రుణమాఫీ.
* ఉద్యానవనాలను అభివృద్ధి చేసుకోవడం, ఉద్యానవన విశ్వవిద్యాలయం ఏర్పాటు.
* ప్రాణహిత-చేవెళ్ల ప్రాజెక్టుకు జాతీయ హోదా కోసం కేంద్రానికి ప్రభుత్వం విజ్ఞప్తి.
* ముస్లింలకు 12 శాతం రిజర్వేషన్.
* మైనార్టీల సంక్షేమానికి ఏటా వెయ్యి కోట్ల వార్షిక బడ్జెట్.
* గిరిజనులకు 12 శాతం రిజర్వేషన్లు.
* బీసీల సంక్షేమానికి రూ.25 వేల కోట్లు కేటాయింపు.
* గిరిజన విశ్వవిద్యాలయం ఏర్పాటు చేస్తాం.
* సంక్షేమ పథకాల ఫలాలు లబ్దిదారులకు అందేలా చూడటం.
* తండాలు, గిరిజన గ్రామాలను పంచాయతీలుగా మారుస్తాం.
* సంక్షేమానికి ఐదేళ్లలో లక్ష కోట్లు ఖర్చు చేస్తాం.