కేజ్రీవాల్ ఎన్నిక రద్దు కోరుతూ కోర్టులో పిటిషన్
ఢిల్లీ ముఖ్యమంత్రి కేజ్రీవాల్, ఆయన మంత్రివర్గ సహచరుడు సోమనాథ్ భారతిల ఎన్నిక రద్దు చేయాలని కోరుతూ బీజేపీ నేతలు వీరేంద్ర గుప్తా, ఆర్తి మెహ్రా ఢిల్లీ హైకోర్టులో పిటిషన్ దాఖలు చేశారు. ఈ పిటిషన్ ను విచారణకు స్వీకరించిన ధర్మాసనం కేజ్రీవాల్, సోమనాథ్ లకు ఈ రోజు నోటీసులు జారీ చేసింది. ఇటీవల ఢిల్లీ శాసనసభ ఎన్నికల సందర్భంగా కేజ్రీవాల్, సోమనాథ్ భారతి ఎలక్షన్ కమిషన్ నిర్ణయించిన పరిమితికి మించి ప్రచారం కోసం ఖర్చు చేశారని.. అందువల్ల వారి ఎన్నిక రద్దు చేయాలని బీజేపీ నేతలు కోర్టును కోరారు.
