విశాఖలో సమైక్యవాదుల అరెస్ట్

సమైక్యాంధ్రకు మద్దతుగా రాజీనామా చేయాలంటూ విశాఖలో కేంద్రమంత్రి పురందేశ్వరి ఇంటిని ముట్టడించిన విద్యార్థి, ఉద్యోగ సంఘాల జేఏసీ నేతలను పోలీసులు అరెస్టు చేశారు. ఈ ఉదయం నుంచి పురేందేశ్వరి నివాసం ఎదుటే బైఠాయించి ఆందోళన చేపట్టిన సమైక్యవాదులను తొలుత పోలీసులు హెచ్చరించారు. అయినా వారు అక్కడినుంచి వెళ్ళకపోవడంతో వారిని అదుపులోకి తీసుకుని త్రీటౌన్ పోలీస్ స్టేషన్ కు తరలించారు. ప్రస్తుతం మంత్రి నివాసం వద్ద బందోబస్తు పెంచారు.