అందుకే మెరుగ్గా ఆడుతున్నానేమో.. రికార్డు గోల్స్ అనంతరం మెస్సీ
- వయసు గురించి ఆలోచించడం లేదన్న మెస్సీ
- ఫిట్నెస్పైనే పూర్తి దృష్టి అని వ్యాఖ్య
- తర్వాత మ్యాచ్ ఆడాలా? వద్దా? కోచ్ నిర్ణయిస్తారన్న మెస్సీ
- జట్టుపై పెనాల్టీ మిస్ ప్రభావం చూపిందని అంగీకారం
- ప్రత్యర్థి ఎవరైనా పోరాటస్ఫూర్తి ఒకటేనన్న వ్యాఖ్య
మ్యాచ్ అనంతరం మీడియాతో మాట్లాడిన మెస్సీ, “నా వయసు గురించి ఆలోచిస్తూ సమయం వృథా చేయను. ఫిట్గా ఉండటంపైనే నా దృష్టి ఉంటుంది. ప్రస్తుతం శారీరకంగా చాలా బాగున్నాను. అందుకే మరింత మెరుగ్గా ఆడుతున్నానేమో” అని అన్నాడు. జోర్డాన్తో జరిగే తదుపరి మ్యాచ్లో తాను బరిలోకి దిగుతానా? లేదా? ఎంతసేపు ఆడాలన్నది కోచ్ లియోనెల్ స్కలోనీ నిర్ణయిస్తారని తెలిపాడు. “ఈ జట్టులో భాగంగా ఉండటం నాకు ఆనందంగా ఉంది. ప్రత్యర్థి ఎవరైనా సరే మా జట్టు ఎప్పుడూ పోటీ తత్వంతోనే ఆడుతుంది” అని చెప్పాడు.
ఆస్ట్రియాతో మ్యాచ్లో పెనాల్టీని చేజార్చుకోవడం జట్టుపై కొంత ప్రభావం చూపిందని మెస్సీ అంగీకరించాడు. “మేము రెండు, మూడు అవకాశాలను వృథా చేసుకున్నాం. మ్యాచ్ను నియంత్రణలో ఉంచినా బంతి గోల్లోకి వెళ్లలేదు. తర్వాత మళ్లీ పుంజుకుని వేగంగా ఆడాం. మా జట్టు ఎప్పుడూ పోరాడుతుంది. పోరాటస్ఫూర్తిలో మాత్రం ఎలాంటి మార్పు ఉండదు” అని పేర్కొన్నాడు.
డల్లాస్లో జరిగిన ఈ మ్యాచ్లో మెస్సీ రెండు గోల్స్ సాధించి తన వరల్డ్కప్ గోల్స్ సంఖ్యను 18కు చేర్చాడు. దీంతో జర్మనీ దిగ్గజం మిరోస్లావ్ క్లోజే పేరిట ఉన్న 16 గోల్స్ రికార్డును అధిగమించి కొత్త చరిత్ర సృష్టించాడు. అర్జెంటీనా ఈ విజయంతో గ్రూప్-జేలో అగ్రస్థానానికి చేరుకుంది.
