బెంగాల్లో దారుణం.. సువేందు అధికారి పీఏ కాల్చివేత
- కారును వెంబడించి అతి సమీపం నుంచి కాల్పులు
- చంద్రనాథ్ రథ్ తల, ఛాతీ, పొట్ట భాగంలోకి దూసుకెళ్లిన బుల్లెట్లు
- ఆసుపత్రిలో చికిత్స పొందుతూ మృతి
- కారు డ్రైవర్ పరిస్థితి విషమం
- టీఎంసీ పనేనని బీజేపీ ఆరోపణ
- ప్రజాస్వామ్యంలో హింసకు తావులేదన్న టీఎంసీ
పశ్చిమ బెంగాల్లో ఎన్నికల అనంతర హింస తీవ్ర రూపం దాల్చింది. బీజేపీ చారిత్రక విజయం సాధించిన రెండు రోజుల తర్వాత, ఆ పార్టీ కీలక నేత, ‘జెయింట్ కిల్లర్’గా పేరు పొందిన సువేందు అధికారి వ్యక్తిగత సహాయకుడు (పీఏ) చంద్రనాథ్ రథ్ దారుణ హత్యకు గురయ్యారు. నార్త్ 24 పరగణాల జిల్లాలోని మధ్యమ్గ్రామ్లో బుధవారం రాత్రి ఈ దారుణం చోటుచేసుకుంది. ఈ ఘటనతో రాష్ట్రంలో రాజకీయ ఉద్రిక్తతలు ఒక్కసారిగా భగ్గుమన్నాయి.
చంద్రనాథ్ రథ్ కారులో ప్రయాణిస్తుండగా ఆయన వాహనాన్ని మరో కారు, ఒక బైక్ వెంబడించాయి. దోహరియా ప్రాంతంలోకి రాగానే కారును ఓవర్టేక్ చేసి వేగాన్ని తగ్గించేలా చేశారు. వెంటనే బైక్పై వచ్చిన దుండగులు అతి సమీపం నుంచి చంద్రనాథ్ రథ్పై కాల్పులు జరిపారు. మొత్తం నాలుగు రౌండ్లు కాల్పులు జరపగా, మూడు బుల్లెట్లు ఆయన తల, ఛాతీ, పొట్ట భాగాల్లోకి దూసుకెళ్లాయి. తీవ్రంగా గాయపడిన ఆయనను వెంటనే ఆసుపత్రికి తరలించగా, అప్పటికే మృతి చెందినట్లు వైద్యులు ధ్రువీకరించారు. ఈ దాడిలో కారు డ్రైవర్ బుద్ధదేవ్కు కూడా గాయాలయ్యాయి. ఆయన పరిస్థితి విషమంగా ఉన్నట్లు సమాచారం.
ఘటనా స్థలికి చేరుకున్న పోలీసులు, పగిలిపోయిన కారు అద్దాలను, బుల్లెట్ గుర్తులను పరిశీలించారు. అక్కడ లభించిన బుల్లెట్ షెల్స్ను బట్టి ఆస్ట్రియా తయారీ గ్లాక్ పిస్టల్ వంటి చిన్న ఆయుధాన్ని వాడి ఉండవచ్చని అనుమానిస్తున్నారు. అయితే, ఫోరెన్సిక్ నివేదిక తర్వాతే పూర్తి స్పష్టత వస్తుందని అధికారులు తెలిపారు. దాడికి ఉపయోగించిన బైక్కు రిజిస్ట్రేషన్ ప్లేట్ లేకపోవడంతో ఇది పక్కా ప్రణాళికతో చేసిన హత్యగా పోలీసులు భావిస్తున్నారు.
ఈ హత్య వెనుక తృణమూల్ కాంగ్రెస్ (టీఎంసీ) హస్తం ఉందని బీజేపీ నేతలు తీవ్ర ఆరోపణలు చేస్తున్నారు. దాడి జరిగినప్పుడు సువేందు అధికారి తన పీఏతో లేరని ఆయన సోదరుడు దిబ్యేందు అధికారి తెలిపారు. ఇది టీఎంసీ పెంచి పోషించిన హింసాత్మక సంస్కృతికి నిదర్శనమని, దీనిపై సీబీఐ విచారణ జరపాలని ఆయన డిమాండ్ చేశారు.
మరోవైపు, టీఎంసీ ఈ హత్యను తీవ్రంగా ఖండించింది. ప్రజాస్వామ్యంలో హింసకు తావులేదని, దోషులను కఠినంగా శిక్షించాలని పేర్కొంది. గత మూడు రోజులుగా బీజేపీ మద్దతుదారులే పోస్ట్-పోల్ హింసకు పాల్పడుతున్నారని ఆరోపిస్తూ కోర్టు పర్యవేక్షణలో దర్యాప్తు జరపాలని డిమాండ్ చేసింది. ఈ ఘటనపై కేసు నమోదు చేసుకున్న పోలీసులు, సీసీటీవీ ఫుటేజీ ఆధారంగా దర్యాప్తు ముమ్మరం చేశారు. ఈ హత్యతో రాష్ట్రంలో రాజకీయ వాతావరణం మరింత వేడెక్కింది.
చంద్రనాథ్ రథ్ కారులో ప్రయాణిస్తుండగా ఆయన వాహనాన్ని మరో కారు, ఒక బైక్ వెంబడించాయి. దోహరియా ప్రాంతంలోకి రాగానే కారును ఓవర్టేక్ చేసి వేగాన్ని తగ్గించేలా చేశారు. వెంటనే బైక్పై వచ్చిన దుండగులు అతి సమీపం నుంచి చంద్రనాథ్ రథ్పై కాల్పులు జరిపారు. మొత్తం నాలుగు రౌండ్లు కాల్పులు జరపగా, మూడు బుల్లెట్లు ఆయన తల, ఛాతీ, పొట్ట భాగాల్లోకి దూసుకెళ్లాయి. తీవ్రంగా గాయపడిన ఆయనను వెంటనే ఆసుపత్రికి తరలించగా, అప్పటికే మృతి చెందినట్లు వైద్యులు ధ్రువీకరించారు. ఈ దాడిలో కారు డ్రైవర్ బుద్ధదేవ్కు కూడా గాయాలయ్యాయి. ఆయన పరిస్థితి విషమంగా ఉన్నట్లు సమాచారం.
ఘటనా స్థలికి చేరుకున్న పోలీసులు, పగిలిపోయిన కారు అద్దాలను, బుల్లెట్ గుర్తులను పరిశీలించారు. అక్కడ లభించిన బుల్లెట్ షెల్స్ను బట్టి ఆస్ట్రియా తయారీ గ్లాక్ పిస్టల్ వంటి చిన్న ఆయుధాన్ని వాడి ఉండవచ్చని అనుమానిస్తున్నారు. అయితే, ఫోరెన్సిక్ నివేదిక తర్వాతే పూర్తి స్పష్టత వస్తుందని అధికారులు తెలిపారు. దాడికి ఉపయోగించిన బైక్కు రిజిస్ట్రేషన్ ప్లేట్ లేకపోవడంతో ఇది పక్కా ప్రణాళికతో చేసిన హత్యగా పోలీసులు భావిస్తున్నారు.
ఈ హత్య వెనుక తృణమూల్ కాంగ్రెస్ (టీఎంసీ) హస్తం ఉందని బీజేపీ నేతలు తీవ్ర ఆరోపణలు చేస్తున్నారు. దాడి జరిగినప్పుడు సువేందు అధికారి తన పీఏతో లేరని ఆయన సోదరుడు దిబ్యేందు అధికారి తెలిపారు. ఇది టీఎంసీ పెంచి పోషించిన హింసాత్మక సంస్కృతికి నిదర్శనమని, దీనిపై సీబీఐ విచారణ జరపాలని ఆయన డిమాండ్ చేశారు.
మరోవైపు, టీఎంసీ ఈ హత్యను తీవ్రంగా ఖండించింది. ప్రజాస్వామ్యంలో హింసకు తావులేదని, దోషులను కఠినంగా శిక్షించాలని పేర్కొంది. గత మూడు రోజులుగా బీజేపీ మద్దతుదారులే పోస్ట్-పోల్ హింసకు పాల్పడుతున్నారని ఆరోపిస్తూ కోర్టు పర్యవేక్షణలో దర్యాప్తు జరపాలని డిమాండ్ చేసింది. ఈ ఘటనపై కేసు నమోదు చేసుకున్న పోలీసులు, సీసీటీవీ ఫుటేజీ ఆధారంగా దర్యాప్తు ముమ్మరం చేశారు. ఈ హత్యతో రాష్ట్రంలో రాజకీయ వాతావరణం మరింత వేడెక్కింది.
