Sonika Yadav: 7 నెలల గర్భంతో 145 కేజీలు.. వెయిట్ లిఫ్టింగ్లో పతకం గెలిచిన లేడీ పోలీస్
- వెయిట్ లిఫ్టింగ్లో అదరగొట్టిన ఢిల్లీ లేడీ కానిస్టేబుల్
- ఏడు నెలల గర్భంతో పోటీల్లో పాల్గొని సత్తా చాటిన సోనికా
- ఏపీలో జరిగిన ఆల్ ఇండియా పోలీస్ పోటీలు
- 145 కేజీల డెడ్ లిఫ్ట్ విభాగంలో కాంస్య పతకం కైవసం
- డాక్టర్ల పర్యవేక్షణలో గర్భంతోనూ ఆగని ప్రాక్టీస్
- సోషల్ మీడియాలో సోనికాపై వెల్లువెత్తుతున్న ప్రశంసలు
పట్టుదల, సంకల్ప బలం ఉంటే శారీరక అవరోధాలు కూడా తలవంచాల్సిందేనని ఓ మహిళా పోలీస్ కానిస్టేబుల్ నిరూపించారు. ఏడు నెలల నిండు గర్భవతిగా ఉంటూనే జాతీయ స్థాయి వెయిట్ లిఫ్టింగ్ పోటీల్లో పాల్గొని కాంస్య పతకం సాధించి అందరికీ ఆదర్శంగా నిలిచారు. ఏపీలో జరిగిన పోలీస్ పోటీల్లో ఢిల్లీకి చెందిన సోనికా యాదవ్ ఈ అరుదైన ఘనతను అందుకున్నారు.
వివరాల్లోకి వెళితే... ఢిల్లీ పోలీస్ విభాగంలో కానిస్టేబుల్గా పనిచేస్తున్న సోనికా యాదవ్కు వెయిట్ లిఫ్టింగ్ అంటే ఎంతో ఇష్టం. గతంలో అనేక పోటీల్లో పాల్గొని పతకాలు కూడా సాధించారు. పెళ్లయ్యాక కూడా తన సాధనను ఆపలేదు. ఈ ఏడాది ఏప్రిల్లో గర్భం దాల్చినప్పటికీ, వైద్యుల పర్యవేక్షణలో తన శిక్షణను కొనసాగించారు. ఇటీవల ఏపీలో జరిగిన ‘ఆల్ ఇండియా పోలీస్ వెయిట్ లిఫ్టింగ్ క్లస్టర్ 2025-2026’ పోటీల్లో ఆమె పాల్గొన్నారు.
ఏడు నెలల గర్భంతో పోటీలకు హాజరైన సోనికాను చూసి అక్కడున్న వారంతా ఆశ్చర్యపోయారు. ఆమె కేవలం సాధారణ విభాగంలో పాల్గొంటారని భావించారు. కానీ, అందరి అంచనాలను తలకిందులు చేస్తూ 145 కేజీల డెడ్ లిఫ్ట్, 125 కేజీల స్క్వాట్స్, 80 కేజీల బెంచ్ ప్రెస్ వంటి కఠినమైన విభాగాల్లో పాల్గొన్నారు. అత్యంత పట్టుదలతో పోటీపడి 145 కేజీల డెడ్ లిఫ్ట్ విభాగంలో కాంస్య పతకాన్ని కైవసం చేసుకుని చరిత్ర సృష్టించారు.
ప్రస్తుతం సోనికా యాదవ్ విజయగాథ సోషల్ మీడియాలో వైరల్గా మారింది. ఆమె సంకల్ప బలాన్ని, కఠోర శ్రమను నెటిజన్లు ప్రశంసలతో ముంచెత్తుతున్నారు. సాధించాలన్న కసి ఉంటే అసాధ్యమంటూ ఏదీ ఉండదని సోనికా నిరూపించారంటూ కామెంట్లు పెడుతున్నారు.
వివరాల్లోకి వెళితే... ఢిల్లీ పోలీస్ విభాగంలో కానిస్టేబుల్గా పనిచేస్తున్న సోనికా యాదవ్కు వెయిట్ లిఫ్టింగ్ అంటే ఎంతో ఇష్టం. గతంలో అనేక పోటీల్లో పాల్గొని పతకాలు కూడా సాధించారు. పెళ్లయ్యాక కూడా తన సాధనను ఆపలేదు. ఈ ఏడాది ఏప్రిల్లో గర్భం దాల్చినప్పటికీ, వైద్యుల పర్యవేక్షణలో తన శిక్షణను కొనసాగించారు. ఇటీవల ఏపీలో జరిగిన ‘ఆల్ ఇండియా పోలీస్ వెయిట్ లిఫ్టింగ్ క్లస్టర్ 2025-2026’ పోటీల్లో ఆమె పాల్గొన్నారు.
ఏడు నెలల గర్భంతో పోటీలకు హాజరైన సోనికాను చూసి అక్కడున్న వారంతా ఆశ్చర్యపోయారు. ఆమె కేవలం సాధారణ విభాగంలో పాల్గొంటారని భావించారు. కానీ, అందరి అంచనాలను తలకిందులు చేస్తూ 145 కేజీల డెడ్ లిఫ్ట్, 125 కేజీల స్క్వాట్స్, 80 కేజీల బెంచ్ ప్రెస్ వంటి కఠినమైన విభాగాల్లో పాల్గొన్నారు. అత్యంత పట్టుదలతో పోటీపడి 145 కేజీల డెడ్ లిఫ్ట్ విభాగంలో కాంస్య పతకాన్ని కైవసం చేసుకుని చరిత్ర సృష్టించారు.
ప్రస్తుతం సోనికా యాదవ్ విజయగాథ సోషల్ మీడియాలో వైరల్గా మారింది. ఆమె సంకల్ప బలాన్ని, కఠోర శ్రమను నెటిజన్లు ప్రశంసలతో ముంచెత్తుతున్నారు. సాధించాలన్న కసి ఉంటే అసాధ్యమంటూ ఏదీ ఉండదని సోనికా నిరూపించారంటూ కామెంట్లు పెడుతున్నారు.
