Asthma: ఆస్తమా పెరగడానికి కారణాలివే... హార్వర్డ్ అధ్యయనంలో కీలక విషయాలు
వాయు కాలుష్యం ఆరోగ్యంపై తీవ్ర ప్రభావం చూపుతుందని తెలిసినా, గాలిలోని కొన్ని ప్రత్యేక కణాలు ఆస్తమాను మరింత తీవ్రతరం చేసి, ఆసుపత్రి పాలు చేస్తున్నాయని ఒక కొత్త అధ్యయనం తేల్చిచెప్పింది. ముఖ్యంగా సూక్ష్మ ధూళి కణాలైన పీఎం 2.5లో ఉండే నికెల్, వనాడియం వంటి లోహాలు, సల్ఫేట్ కణాల వల్ల ఆస్తమా బాధితుల సంఖ్య పెరుగుతున్నట్టు పరిశోధకులు గుర్తించారు. ఈ అధ్యయన వివరాలు ‘అమెరికన్ జర్నల్ ఆఫ్ రెస్పిరేటరీ అండ్ క్రిటికల్ కేర్ మెడిసిన్’లో ప్రచురితమయ్యాయి.
ఈ పరిశోధన ప్రకారం, గాలిలో ప్రమాదకర కాలుష్య కారకాల మిశ్రమం ప్రతి పది శాతం పెరిగినప్పుడు, ఆస్తమా కారణంగా ఆసుపత్రులలో చేరే పిల్లల సంఖ్య 10.6 శాతం పెరిగింది. అలాగే 19 నుంచి 64 ఏళ్ల వయసున్న పెద్దలలో ఈ పెరుగుదల 8 శాతంగా నమోదైంది. నికెల్, వనాడియం, సల్ఫేట్, నైట్రేట్, బ్రోమిన్, అమ్మోనియం వంటివి ఈ దుష్ప్రభావానికి ప్రధాన కారణాలని అధ్యయనం స్పష్టం చేసింది.
ఈ విషయంపై హార్వర్డ్ టి.హెచ్. చాన్ స్కూల్ ఆఫ్ పబ్లిక్ హెల్త్ ప్రొఫెసర్, అధ్యయన రచయిత జోయెల్ స్క్వార్ట్జ్ మాట్లాడుతూ, "ఆస్తమా కేసులను తగ్గించాలంటే, ఈ కాలుష్య కారకాల మూలాలను నియంత్రించాలి. ఇంధన నూనెలు, భవనాల్లో వాడే హెవీ ఆయిల్స్ మండించడం వల్ల నికెల్, వనాడియం గాలిలో కలుస్తాయి. బొగ్గును మండించడం ద్వారా సల్ఫేట్లు విడుదలవుతాయి. బొగ్గు ఆధారిత ప్లాంట్లలో స్క్రబ్బర్లు వాడటం లేదా ప్రత్యామ్నాయ ఇంధనాలను ఉపయోగించడం ద్వారా వీటిని అరికట్టవచ్చు" అని వివరించారు.
గతంలో జరిగిన చాలా అధ్యయనాలు కేవలం పీఎం 2.5 కాలుష్యం మొత్తాన్ని లేదా విడివిడి కణాలను మాత్రమే పరిశీలించాయి. కానీ ఈ కొత్త అధ్యయనంలో మెషిన్ లెర్నింగ్ అల్గారిథమ్లను ఉపయోగించి 4,69,005 ఆస్తమా కేసులను విశ్లేషించారు. వాతావరణ ఉష్ణోగ్రత, సామాజిక-ఆర్థిక పరిస్థితులు వంటి అంశాలను పరిగణనలోకి తీసుకుని, పీఎం 2.5లోని ఏయే కణాలు ఆస్తమాపై ఎక్కువ ప్రభావం చూపుతున్నాయో ప్రత్యేకంగా గుర్తించారు. తక్కువ సమయంలో ఈ కణాలు ఎలాంటి ప్రభావం చూపుతాయనే దానిపై మరింత లోతైన అధ్యయనం అవసరమని పరిశోధకులు అభిప్రాయపడ్డారు.
ఈ పరిశోధన ప్రకారం, గాలిలో ప్రమాదకర కాలుష్య కారకాల మిశ్రమం ప్రతి పది శాతం పెరిగినప్పుడు, ఆస్తమా కారణంగా ఆసుపత్రులలో చేరే పిల్లల సంఖ్య 10.6 శాతం పెరిగింది. అలాగే 19 నుంచి 64 ఏళ్ల వయసున్న పెద్దలలో ఈ పెరుగుదల 8 శాతంగా నమోదైంది. నికెల్, వనాడియం, సల్ఫేట్, నైట్రేట్, బ్రోమిన్, అమ్మోనియం వంటివి ఈ దుష్ప్రభావానికి ప్రధాన కారణాలని అధ్యయనం స్పష్టం చేసింది.
ఈ విషయంపై హార్వర్డ్ టి.హెచ్. చాన్ స్కూల్ ఆఫ్ పబ్లిక్ హెల్త్ ప్రొఫెసర్, అధ్యయన రచయిత జోయెల్ స్క్వార్ట్జ్ మాట్లాడుతూ, "ఆస్తమా కేసులను తగ్గించాలంటే, ఈ కాలుష్య కారకాల మూలాలను నియంత్రించాలి. ఇంధన నూనెలు, భవనాల్లో వాడే హెవీ ఆయిల్స్ మండించడం వల్ల నికెల్, వనాడియం గాలిలో కలుస్తాయి. బొగ్గును మండించడం ద్వారా సల్ఫేట్లు విడుదలవుతాయి. బొగ్గు ఆధారిత ప్లాంట్లలో స్క్రబ్బర్లు వాడటం లేదా ప్రత్యామ్నాయ ఇంధనాలను ఉపయోగించడం ద్వారా వీటిని అరికట్టవచ్చు" అని వివరించారు.
గతంలో జరిగిన చాలా అధ్యయనాలు కేవలం పీఎం 2.5 కాలుష్యం మొత్తాన్ని లేదా విడివిడి కణాలను మాత్రమే పరిశీలించాయి. కానీ ఈ కొత్త అధ్యయనంలో మెషిన్ లెర్నింగ్ అల్గారిథమ్లను ఉపయోగించి 4,69,005 ఆస్తమా కేసులను విశ్లేషించారు. వాతావరణ ఉష్ణోగ్రత, సామాజిక-ఆర్థిక పరిస్థితులు వంటి అంశాలను పరిగణనలోకి తీసుకుని, పీఎం 2.5లోని ఏయే కణాలు ఆస్తమాపై ఎక్కువ ప్రభావం చూపుతున్నాయో ప్రత్యేకంగా గుర్తించారు. తక్కువ సమయంలో ఈ కణాలు ఎలాంటి ప్రభావం చూపుతాయనే దానిపై మరింత లోతైన అధ్యయనం అవసరమని పరిశోధకులు అభిప్రాయపడ్డారు.
