Balakrishna: బాలకృష్ణ 'వరల్డ్ రికార్డ్' సాధించడంపై పవన్ కల్యాణ్ ఆసక్తికర ట్వీట్
- 50 ఏళ్ల నట ప్రస్థానానికి బాలకృష్ణకు అరుదైన గౌరవం
- వరల్డ్ బుక్ ఆఫ్ రికార్డ్స్లో చోటు దక్కించుకున్న బాలయ్య
- లండన్కు చెందిన సంస్థ నుంచి ప్రత్యేక గుర్తింపు పత్రం
- బాలకృష్ణను మనస్ఫూర్తిగా అభినందించిన పవన్ కల్యాణ్
- నటన, ప్రజాసేవలో కొనసాగాలని ఆకాంక్షించిన డిప్యూటీ సీఎం
ప్రముఖ నటుడు, హిందూపురం ఎమ్మెల్యే బాలకృష్ణ తన సినీ ప్రస్థానంలో ఓ అరుదైన మైలురాయిని చేరుకున్నారు. నటుడిగా 50 వసంతాలు పూర్తి చేసుకున్న సందర్భంగా ఆయన ప్రతిష్ఠాత్మక 'వరల్డ్ బుక్ ఆఫ్ రికార్డ్స్' (లండన్)లో స్థానం సంపాదించారు. ఈ మేరకు ఆ సంస్థ ప్రతినిధులు బాలకృష్ణను కలిసి రికార్డు పత్రాన్ని అందజేశారు. ఈ అరుదైన ఘనతపై ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కల్యాణ్ 'ఎక్స్' వేదికగా ఆయనకు అభినందనలు తెలిపారు.
"బాలనటుడిగా స్వర్గీయ నందమూరి తారక రామారావు గారి నట వారసుడిగా సినీ రంగంలోకి అడుగుపెట్టి, జానపద, కుటుంబ, యాక్షన్ చిత్రాలతో ప్రేక్షకులను మెప్పించారు. నట జీవితంలో 50 ఏళ్ల సుదీర్ఘ ప్రయాణం పూర్తి చేసుకుని వరల్డ్ బుక్ ఆఫ్ రికార్డ్స్లో చోటు సాధించడం ఎంతో అభినందనీయం" అని పవన్ పేర్కొన్నారు.
బాలకృష్ణకు మనస్ఫూర్తిగా అభినందనలు తెలియజేస్తున్నట్లు పవన్ తన పోస్టులో పేర్కొన్నారు. "ఆయన ఇలానే మరిన్ని సంవత్సరాలు తన నటనతో ప్రేక్షకులను అలరిస్తూ, ప్రజాసేవలో కొనసాగాలని ఆకాంక్షిస్తున్నాను" అని పవన్ కల్యాణ్ ఆకాంక్షించారు. ప్రస్తుతం బాలకృష్ణ ఒకవైపు సినిమాల్లో నటిస్తూనే, మరోవైపు హిందూపురం ఎమ్మెల్యేగా ప్రజాసేవలో కొనసాగుతున్న విషయం తెలిసిందే. ఈ గుర్తింపు పట్ల నందమూరి అభిమానులు, సినీ ప్రముఖులు హర్షం వ్యక్తం చేస్తున్నారు.
"బాలనటుడిగా స్వర్గీయ నందమూరి తారక రామారావు గారి నట వారసుడిగా సినీ రంగంలోకి అడుగుపెట్టి, జానపద, కుటుంబ, యాక్షన్ చిత్రాలతో ప్రేక్షకులను మెప్పించారు. నట జీవితంలో 50 ఏళ్ల సుదీర్ఘ ప్రయాణం పూర్తి చేసుకుని వరల్డ్ బుక్ ఆఫ్ రికార్డ్స్లో చోటు సాధించడం ఎంతో అభినందనీయం" అని పవన్ పేర్కొన్నారు.
బాలకృష్ణకు మనస్ఫూర్తిగా అభినందనలు తెలియజేస్తున్నట్లు పవన్ తన పోస్టులో పేర్కొన్నారు. "ఆయన ఇలానే మరిన్ని సంవత్సరాలు తన నటనతో ప్రేక్షకులను అలరిస్తూ, ప్రజాసేవలో కొనసాగాలని ఆకాంక్షిస్తున్నాను" అని పవన్ కల్యాణ్ ఆకాంక్షించారు. ప్రస్తుతం బాలకృష్ణ ఒకవైపు సినిమాల్లో నటిస్తూనే, మరోవైపు హిందూపురం ఎమ్మెల్యేగా ప్రజాసేవలో కొనసాగుతున్న విషయం తెలిసిందే. ఈ గుర్తింపు పట్ల నందమూరి అభిమానులు, సినీ ప్రముఖులు హర్షం వ్యక్తం చేస్తున్నారు.
