మహా కుంభమేళాలో గోల్డెన్ బాబా
- ఒంటిపై ఆరు కిలోల బంగారంతో సందడి
- వివిధ దేవతలకు గుర్తుగా ధరిస్తున్నట్లు వెల్లడి
- కేరళలోని సనాతన ధర్మ ఫౌండేషన్ చైర్మన్ గా సేవలు
గోల్డెన్ బాబా అసలు పేరు మహా మండలేశ్వర్ నారాయణానంద్ గిరి మహరాజ్.. నిరంజనీ అఖాడాకు చెందిన ఈ బాబా కేరళలోని సనాతన ధర్మ ఫౌండేషన్ కు చైర్మన్ గా సేవలందిస్తున్నారు. తన ఒంటిపై ధరించిన బంగారు ఆభరణాల గురించి వివరిస్తూ.. వివిధ దేవతలకు గుర్తుగా ఈ నగలను గత పదిహేనేళ్లుగా ధరిస్తున్నట్లు చెప్పారు. రుద్రాక్షలు, పగడాలు, రూబీలు, నీలమణులు, పచ్చలు పొదిగిన ఈ నగల నుంచి తనకు పాజిటివ్ ఎనర్జీ వస్తుందని తెలిపారు. శ్రీ యంత్రంతో పాటు నగలను తాను చేసే పూజల్లోనూ వినియోగిస్తానని చెప్పారు.
