బంగారు పడగ పాము.. విశాఖలో అరుదైన స్నేక్

విశాఖపట్నంలోని యారాడ నేవీ ఉద్యోగుల క్వార్టర్స్ లో అరుదైన నాగు పాము కనిపించింది. ఈ పాము పడగ మొత్తం బంగారు వర్ణంలో కనిపిస్తోంది. పడగకు ముందు వెనుక మాత్రమే బంగారు వర్ణంలో, మిగతా భాగం మొత్తం సాధారణంగా ఉండడం విశేషం. ఓ ఉద్యోగి కార్ షెడ్ లో కనిపించిందీ పాము. కారు బయటకు తీస్తున్న సమయంలో ఈ పామును చూసిన సదరు ఉద్యోగి స్నేక్ క్యాచర్ నాగరాజుకు ఫోన్ లో సమాచారం అందించారు. వెంటనే అక్కడికి చేరుకున్న నాగరాజు ఈ పామును బంధించారు. ఈ అరుదైన పామును స్థానికులు ఆసక్తిగా తిలకించారు. అనంతరం స్నేక్ క్యాచర్ నాగరాజు ఈ పామును జనావాసాలకు దూరంగా వదిలిపెట్టారు. కాగా, ఇలాంటి పాములు చాలా అరుదుగా కనిపిస్తాయని, తొమ్మిదేళ్ల క్రితం ఇలాంటి పామును చూశానని నాగరాజు చెప్పారు.